![Jeyhun Bayramov](https://turan.az/resized/media/2023/main/041200060885-750-500-resize.webp)
Jeyhun Bayramov
Laçın rayonu ilə sərhəddəki hadisə Ermənistanın təxribatıdır
Bakı/12.04.23/Turan: Azərbaycan Ermənistana danışıqlar masasına qayıtmağı təklif edir. Bu barədə çərşənbə axşamı Azərbaycanın XİN başçısı Ceyhun Bayramov bildirib.
ATƏT-in fəaliyyətdə olan sədri, Şimali Makedoniyanın XİN başçısı Osmani ilə birgə mətbuat konfransında çıxış edən Bayramov deyib ki, ATƏT-ə Yerevanla münasibətlərin normallaşması və sülh müqaviləsinin bağlanması üzrə səylər haqqında məlumat verib.
Onun sözlərinə görə, 2022-ci ilin dekabrında Bakı və Yerevan arasında əlaqələr kəsilib. Ermənistan birbaşa danışıqlarda iştirak etmək əvəzinə hərbi təxribatlara əl atır, deyən nazir Yerevanı "Qarabağ ermənilərinin reinteqrasiyası" prosesinə müdaxilə etməkdə ittiham edib.
Aprelin 11-də Laçın rayonu ilə sərhəddə baş verən silahlı insidentə toxunan Bayramov Ermənistanı azad edilmiş Laçın rayonunun Azərbaycana qaytarılması prosesini pozmaq cəhdində ittiham edib.
O, Yerevanı bu cür addımlardan çəkinməyə çağırıb. "Ermənistan belə məsuliyyətsiz və təhlükəli addımlardan çəkinməlidir, çünki bunun nəticələri, dünən də olduğu kimi, çox ciddi olacaq", deyə o bildirib. 0
-
- Siyasət
- 12 Aprel 2023 14:10
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz