![Latviya prezidentinin Azərbaycana təmkinli səfəri](https://turan.az/resized/750/500/resize/media/2015/main/062200120554.jpg)
Latviya prezidentinin Azərbaycana təmkinli səfəri
Prezident İlham Əliyev iyunun 22-də Latviyanın yeni seçilmiş prezidenti Raymondson Veyonislə görüşüb, bu barədə Azərbaycan prezidentinin saytı qısa məlumat yayıb. Söhbət zamanı tərəflər ikitərəfli münasibətləri inkişaf etdirməyə hazır olduqlarını ifadə ediblər.
Rəsmi məlumatda səfərin statusu və məqsədləri haqqında heç nə deyilmir. Latviya Prezidentinin saytında və Latviya KİV-lərində də səfər haqqında heç bir məlumat yoxdur.
Xatırladaq ki, keçmiş müdafiə naziri Raymonds Veyonis iyunun 3-də Seym tərəfindən Latviya prezidenti seçilib. O, iyulun 1-də Avropa İttifaqında Latviyanın yarım illik prezidentliyini yekunlaşdırmalı və sədr vəzifəsində fəaliyyət haqqında hesabat verməlidir.
Bu dövrdə “Şərq Tərəfdaşlığı”nın Riqa sammiti əhəmiyyətli hadisə olub. Sammitdə Aİ və Azərbaycan arasında “strateji müasirləşmə haqqında” saziş imzalanması gözlənilirdi. Lakin İlham Əliyev sammitdə iştirakdan yayınaraq, tədbirə XİN rəhbəri Elmar Məmmədyarovu göndərib.
Qərb diplomatik mənbələrinin məlumatına görə, Məmmədyarov Riqaya nəzərdə tutulmamış düzəlişlər edilmiş sənəd aparıb. Bütün düzəlişlər qəbul edilsə də, Məmmədyarov sammiti yekunlaşmamış tərk edib ki, bu da Aİ-də mənfi qarşılanıb.
İyunun 12-də Latviyanın keçmiş prezidenti, prezident Əliyevlə yaxşı şəxsi münasibətləri olan Valdis Zatlers Bakıda səfərdə olub. O, formal olaraq Birinci Avropa Oyunlarının açılış mərasimində iştirak etmək üçün gəlib. -0-
-
- Foto sessiyalar
- 22 İyun 2015 16:50
-
- Siyasət
- 22 İyun 2015 18:51
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz