Maraqlı tərəflərdən heç biri Qarabağ münaqişəsinin qaynar fazaya keçməsini istəmir, bu barədə Rusiya XİN rəhbəri Sergey Lavrov Moskvada Ermənistanın xarici işlər naziri Edvard Nalbandyanla görüşünün yekunlarını şərh edərkən bildirib.
“Biz münaqişənin qaynar fazaya keçəcəyini düşünmək belə istəmirik, deyə Lavrov bildirib. – Bütün hərəkətlərimiz mümkün qədər tez hər kəsin qəbul edə biləcəyi həll yolu tapmağa yönəlib”.
Rusiya naziri qeyd edib ki, bu məsələ ilə bağlı əlaqələr müntəzəm olaraq davam etdirilir. ATƏT-in Minsk qrupunun həmsədri olan ölkələrin nümayəndələri tez-tez regiona gedir. Həmsədr ölkələrin prezidentləri tənzimlənmə yollarının axtarışına şəxsən diqqət yetirirlər.
“Bizim prezidentimiz ötən il xüsusi səylər göstərib, onların yekunlarına görə təcrübi planın mümkün addımları haqqında məsləhətləşmələr davam edir. Onlar bu heç kimi qane etməyən münaqişənin aradan qaldırılması prosesinin həyata keçirilməsinə başlamağa imkan verərdi ki, Cənubi Qafqaz heç bir təcrid, sanksiya, məhdudiyyət olmayan əməkdaşlıq regionuna çevrilsin”, deyə S.Lavrov bildirib.
Onun sözlərinə görə, Rusiya Dağlıq Qarabağ münaqişəsinin bütün tərəflər üçün məqbul əsaslarla həlli üçün şərait yaradılması üzrə səyləri davam etdirəcək. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz