Moskva Bakı ilə etibarlı münasibətlərin inkişafını yüksək qiymətləndirir. Bu barədə çərşənbə axşamı mətbuat konfransında Rusiyanın xarici işlər naziri Sergey Lavrov bildirib.
"Rusiya-Azərbaycan münasibətlərinə gəlincə, mən onları çox yüksək qiymətləndirirəm. Onlar etibarlıdır, prezidentlər müntəzəm ünsiyyət qururlar, hər hansı qapalı mövzu yoxdur",- o qeyd edib.
Nazir dəqiqləşdirib ki, sıx əməkdaşlıq həm Şimal-Cənub dəhlizinə, həm də Qafqazda və onun ətrafındakı digər nəqliyyat layihələrinə aiddir. "Bu, əlbəttə ki, Xəzərin dayazlaşmasına da aiddir. Hazırda biz ikitərəfli işçi qrupunu yaradırıq və onu beştərəfli formata çevirməyi təklif etmək istəyirik ki, bütün sahilyanı Xəzər dövlətləri bu işdə iştirak etsinlər", - Lavrov sözlərinə davam edib.
"Biz beynəlxalq arenada da əməkdaşlıq edirik. Təhlükəsizlik, terrorizmlə, mütəşəkkil cinayətkarlıqla mübarizə sahəsində imkanlarımızın möhkəmləndirilməsi üzrə əlaqələr və praktiki addımlar var. Əlbəttə ki, Silahlı Qüvvələr, xüsusi xidmət orqanları arasında da əlaqələr var", - Lavrov qeyd edib.
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz