Sergei Lavrov and Mevlut Cavusoglu
Bakı/06.01.22/Turan: Yanvarın 6-da Rusiya və Türkiyənin xarici işlər nazirləri Sergey Lavrov və Mövlud Çavuşoğlu telefonla bir sıra beynəlxalq mövzuları müzakirə ediblər.
Əsasən, Cənubi Qafqazda vəziyyətin normallaşdırılması üzrə "3+3" formatı müzakirə edilib. Formatın ilk görüşü (Gürcüstanın iştirakı olmadan) 10 dekabr 2021-ci ildə Moskvada keçirilib. Yaxın vaxtlarda növbəti görüşün eyni tərkibdə hazırlanması razılaşdırılıb, Rusiya Xarici İşlər Nazirliyinin bəyanatında deyilir.
Sonra Lavrov Türkiyə və Ermənistan arasında münasibətlərin normallaşdırılması istiqamətində səyləri dəstəkləyib.
"Nazirlər Qazaxıstanda baş verən hadisələrlə əlaqədar konstitusion düzənin bərpası ilə bağlı bu ölkə rəhbərliyinin səylərini dəstəklədiklərini bildiriblər.
Lavrov kənar qüvvələrin dövlətin təhlükəsizliyini və ərazi bütövlüyünü pozmaq cəhdləri şəraitində Kollektiv Təhlükəsizlik Müqaviləsi Təşkilatının xəttilə Qazaxıstan hakimiyyətinə yardım göstərilməsilə bağlı bu ölkə prezidentinin müraciətinə cavab olaraq görülən tədbirlər barədə məlumat verib. 02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz