Lavrov və Kerri Ukraynanın federallaşmasının mümkünlüyünü müzakirə ediblər

Parisdə Rusiya XİN rəhbəri Lavrov ilə ABŞ dövlət katibi Kerrinin dörd saat davam edən danışıqları başa çatıb. Danışıqlardan sonra xarici siyasət idarələrinin rəhbərləri jurnalistlərin qarşısnda ayrı-ayrılıqda çıxış ediblər.

Lavrov bildirib ki, Kerri rusdilli əhalinin hüquqlarına riayət olunması məsələsini Kiyevlə müzakirə etməyə hazır olduğunu deyib. Associated Press bildirir.

Lavrav danışıqları “çox konstruktiv” adlandırıb. Digər məsələlər sırasında Ukraynanın federativ dövlətə çevrilməsinin mümkünlüyü və təxribatçıların tərksilah edilməsinin vacibliyi olub. Lavrov əlavə edib ki, Ukraynada “unitar dövlət modeli işləmir”.

Kerri ABŞ səfirliyində mətbuat konfransı keçirib. O qeyd edib ki, danışıqlar zamanı Rusiya qoşunlarının Ukrayna ilə sərhəd regionlardan çıxarılmasından söhbət gedib. Onun sözlərinə görə, Rusiya Silahlı Qüvvələrinin iştirakı “Ukraynada qorxu və hürkü atmosferi” yaradır. O deyib ki, ABŞ əvvəlkitək Rusiya hakimiyyətinin Krımla  bağlı hərəkətini qeyri-legitim hesab edir.

Kerri təsdiqləyib ki, danışıqlar zamanı Ukraynanın federallaşması mövzusuna toxunulub. Lakin o qeyd edib ki, bu məsələ ilə bağlı qərarı yalnız Ukrayna özü qəbul edə bilər. -02D-