Sergei Lavrov and Mohammad Javad Zarif.
Moskva/26.01.21/Тuran: Moskva və Tehran bir sıra regional məsələlərlə, o cümlədən Dağlıq Qarabağ ətrafında vəziyyətlə bağlı dialoqun dərinləşdirilməsində qarşılıqlı maraqları olduğunu qeyd edir. Bu barədə çərşənbə axşamı Rusiyanın xarici işlər naziri Sergey Lavrov İran XİN başçısı Məhəmməd Cavad Zəriflə danışıqları açarkən bildirib.
“Ölkələrimizin bizi əhatə edən regiondakı rolunu nəzərə alaraq, biz Fars körfəzində təhlükəsizlik, Əfqanıstan nizamlanması problemləri kimi məsələlər üzrə dialoqun dərinləşdirilməsində maraqlıyıq və əlbəttə ki, Rusiya, Azərbaycan və Ermənistan liderləri arasında razılaşmalar əldə edildikdən sonra Dağlıq Qarabağ ətrafında yaranmış vəziyyəti müzakirə etmək olar”, deyə TASS agentliyi Lavrovdan sitat gətirir.
Danışıqların yekunlarına görə nazirlər informasiya təhlükəsizliyinin təmin edilməsi sahəsində hökumətlərarası saziş imzalayıblar. -02D-
Siyasət
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
-
Azərbaycanda növbəti bələdiyyə seçkiləri 29 yanvar 2025-ci ildə keçiriləcək. Bu barədə Mərkəsi Seçki Komissiyasının bugünkü iclasında komissiyanın rəhbəri Məzahir Pənahov bildirib.
-
Azərbaycan prezidentinin sərəncamı ilə Siyavuş Kərimi Milli Konservatoriyanın rektoru vəzifəsindən azad edilib.
Rəy yaz