Le Monde: Fransua Olland Leyla Yunusun azad edilməsi məsələsini İlham Əliyevin qarşısında qaldırıb

Aprelin 25-də Fransa prezidenti Fransua Olland Yerevandan sonra Bakıya qısamüddətli  səfərə gəlib. Bu, iki qonşu respublika arasında təhqir hissinə yol verməmək üçün” zəruri diplomatik addım idi, Fransanın Le Monde qəzeti yazıb.

2014-cü ilin mayında Bakıya səfəri zamanı F.Olland hüquq müdafiəçisi Leyla Yunusun məsələsini prezident İlham Əliyevin qarşısında qaldırmışdı.

Bakıda Fransa səfirliyində L.Yunusla görüş zamanı F.Olland ona vətəndaş cəmiyyətinin müdafiəsindəki xidmətlərinə görə Fəxri Legion ordenini təqdim etmişdi. F.Ollandla görüşdən üç ay sonra L.Yunus “dövlətə xəyanət” və Ermənistanın xeyrinə “casusluq” ittihamı ilə həbs olunub. Beş gündən sonra isə onun həyat yoldaşı, tarixçi Arif Yunus həbs olunub.

Bir çox hüquq-müdafiə təşkilatları F.Ollandan xahiş ediblər ki, prezident İ.Əliyevlə görüşündə Yunuslar cütlüyünün azad edilməsi məsələsini qaldırsın. Lakin Əliyev hökuməti qərb dövlətlərinin Azərbaycanda neft ehtiyatlarına olan maraqları fonunda etirazlara məhəl qoymur.

Human Rights Watch təşkilatının Fransa şöbəsinin direktoru Jan-Mari Berden F.Ollanda açıq məktub yazıb: “Sizi əgər hüquq müdafiəçiləri həbsdən azad edilməsə sizin və fransalı məmurların Avropa Oyunlarının açılışına getməyəcəyini açıq bəyan etməyə çağırırıq”, - Le Monde yazıb. -02D