Çərşənbə axşamı Lənkəran şəhərində bir qrup dindara toplantı keçirməyə imkan verilməyib. Bu haqda Turan-a Müsavat Partiyasının Lənkəran üzrə təmsilçisi Yadigar Sadıqlı bildirib.
O, tədbirin keçirilməsi nəzərdə tutulan “Sahil” çayxanası sahibinin polis rəisi Möhübbət Hüseynov tərəfindən xəbərdarlıq aldığını bildirib. Bundan sonra çayxana sahibi çayxananı bağlayaraq evinə gedib. Dindarlar çayxananın həyətində gözləsələr də, çayxana açılmayıb. Daha sonra polis rəisinin müavini 10-15 nəfər polislə çayxanaya gələrək, dindarları dağılmağa çağırıb.
Dindarlar şəhərdəki Xocalı abidəsi önündə toplaşıblar, Xocalıda tökülən qanların yerdə qalmayacağı, bu qisasın alınacağı fikirləri ifadə edilib.
Tədbir başa çatandan sonra Elman, İmran və Ramin adlı dindarlar polis tərəfindən saxlanıb, təqribən bir saat sonra sərbəst buraxılıblar. -05B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz