Leyla Yunus Avropa Parlamentini Azərbaycanda siyasi məhbusların azad edilməsinə nail olmağa çağırıb
Hüquq müdafiəçisi Leyla Yunus noyabrın 28-də Avropa Parlamentində Azərbaycana həsr olunmuş dinləmələrdə çıxış edib. O, diqqəti insan hüquqlarının pozulmasına, fəalların son həbsinə, "Nardaran işi"nə yönəldib.
L.Yunus 160-dan artıq siyasi məhbusun siyahısını Avropa Parlamentinə təqdim edib və deputatları onların azad edilməsi üçün fəal mübarizəyə səsləyib. Bu barədə Turan-a “Siyasi Məhbuslarsız Azərbaycan” İctimai Alyansının rəhbəri Oqtay Gülalıyev bildirib.
Öz növbəsində, hüquq müdafiəçisinin həyat yoldaşı, politoloq Arif Yunus Azərbaycanda islam faktoru mövzusunda çıxış edib.
“Leyla və Arif Yunusların səhhətində ciddi problemlərin olmasına baxmayaraq, insan haqlarının durumu, siyasi məhbus problemi ilə bağlı Azərbaycan həqiqətlərinin dünya ictimaiyyətinə çatdırılması istiqamətində çalışırlar. Onların beynəlxalq qurumların nümayəndələri ilə görüşləri davam edir”, - O.Gülalıyev vurğulayıb.—06D—
Siyasət
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
-
Rusiya İstintaq Komitəsinin sədri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı olub. İstintaq Komitəsinin yaydığı məlumatda deyilir ki, tərəflər “Azərbaycan Hava Yolları”nin təyyarəsinin qəzaya uğramasının səbəblərinin araşdırılmasını müzakirə ediblər.
-
Qroznı aeroportunun dispetçeri dekabrın 29-da AZAL-ın təyyarəsinin raketlə vurulmasından sonra uçuşları qadağan edən “Kover” planının tətbiq olunduğunu təsdiqləyib.
-
Azərbaycan xarici işlər nazirinin müavini Yalçın Rəfiyev dekabrın 29-da Suriyaya səfəri çərçivəsində Dəməşqdə bu ərəb ölkəsinin müvəqqəti hökumətinin Xarici İşlər Nazirliyinin rəhbəri Əsəd Həsən Əl-Şibani ilə görüşüb.
Rəy yaz