Hüquq müdafiəçisi Leyla Yunusun və onun həyat yoldaşı politoloq Arif Yunusun həbsdən azad edilməsi müsbət addımdır. Lakin bunun ardınca digər siyasi məhbuslar da azadlığa buraxılmalıdır. Bu, Yunuslar cütlüyünün həbs cəzasının şərti olaraq dəyişdirilməsi barədə Apellyasiya Məhkəməsinin qərarı ilə bağlı beynəlxalq təşkilatların nümayəndələrinin bəyanatının əsasını təşkil edir.
Aİ-nin xarici siyasət üzrə ali nümayəndəsi Federika Mogerini L.Yunusun azad edilməsini alqışlayıb.
F.Mogerininin mətbuat katibi Maya Kosijançiç bildirib ki, “bu, çoxdan arzu edilən müsbət humanitar jestdir”.
Onun bəyanatında bu cür addımların davamına ümid ifadə edilir, Aİ-nin Azərbaycanla münasibətləri genişləndirməyə hazır olduğu vurğulanır.
Avropa parlamentinin rəhbəri Martin Şults L.Yunusun azadlığa buraxılmasını məmnunluqla qarşılayıb.
“Beynəlxalq İnsan Hüquqları Günü ərəfəsində Leyla Yunusun azad edilməsi Azərbaycanda və bütün dünyada hüquq müdafiəçiləri üçün yaxşı xəbərdir. Lakin qeyd etmək istəyirəm ki, Leyla Yunus və onun həyat yoldaşı Arif Yunus şərti olaraq azad ediliblər. Avropa parlamenti onların üzərindən ittihamların götürülməsini və bəraət verilməsini xahiş edir”, - Şults vurğulayıb.
O, Azərbaycan hakimiyyətini “bu yolu davam etdirməyə və xoş məram göstərərək digər vicdan məhbuslarını da azad etməyə çağırıb.
Avropa Şurasının baş katibi Torbörn Yaqland dekabrın 9-da bəyanatla çıxış edərək L.Yunusun buraxılmasını müsbət qiymətləndirib.
“Leyla Yunus həbsdən buraxıldıqdan sonra rahat oldum. Ümid edirəm ki, indi o, səhhətinin bərpası ilə məşğul ola bilər. Bu gün biz Azərbaycanda həbsdə olan digər hüquq müdafiəçilərini də düşünürük”, - bəyanatda qeyd olunur.
“Leyla Yunusun həbsdən azad edilməsi müsbət və humanitar jestdir. DTİHB insan hüquqlarının müzakirəsilə bağlı Azərbaycan hökumətilə əməli müzakirələri davam etdirməyə hazırdır”, - ATƏT-in Demokratik Təsisatlar və İnsan Hüquqları Bürosunun direktoru Maykl Corc Link bildirib.
AŞPA rəhbəri Ann Brasser, AFR XİN rəhbəri Frank Valter Ştaynmayer, ABŞ Konqresi Helsinki Komissiyasının rəhbəri Kristofer Smit də Leyla Yunusun azad edilməsini alqışlayıblar.
Leyla və Arif Yunuslar 2014-cü ilin yayında həbs olunublar. Bir ildən sonra onlar iqtisadi cinayətlər törətməkdə ittiham edilərək müvafiq olaraq 8,5 və 7 il müddətinə azadlıqdan məhrum ediliblər. Dekabrın 9-da Apellyasiya Məhkəməsi real həbs cəzası müddətini şərti cəza ilə əvəzləyib. 06В--
Siyasət
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
-
Avropa Şurasının baş katibi Alen Berse "Azərbaycan Hava Yolları"nın təyyarəsinin Qazaxıstanda çox sayda insanın həlak olmasına səbəb olan faciəvi qəzası ilə əlaqədar başsağlığı verib və dərin kədərini ifadə edib.
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
Rəy yaz