Liberal Partiya öz ünvanına hücumları rədd edir

Azərbaycan Liberal Partiyası (ALP) bəyanatla çıxış edərək, bir sıra müxalifət KİV-ləri tərəfindən öz ünvanına və lideri Lalə Şövkətə qarşı hücumları rədd edib.

Söhbət ALP-nin guya Demokratik Qüvvələrin Milli Şurasının (DQMŞ) prezidentliyə əlavə namizədinin irəli sürülməsinə mane olması haqqında məlumatdan gedir.

Bununla əlaqədar olaraq, ALP xatırladır ki, partiya lideri “hələ bu ilin əvvəlində qarşıdan gələn prezident seçkilərində iştirak etməkdən imtina edib, və buna görə məhz ona qarşı olan hücumlar tamamilə anlaşılmazdır”.

“İkincisi, Liberal Partiya, yaranmış böhran vəziyyətinin ciddiliyini və müxalif siyasi liderlərin seçki prosesindən kənarda qalmaq təhlükəsini nəzərə alaraq, bütün siyasi liderlərin öz partiya və təşkilatlarının adından öz namizədliyini vaxt itirmədən irəli sürülməsini nəzərdə tutan memorandumu dəstəkləyib. Beləliklə, bütün siyasi liderlərə sərbəstlik verilmişdir və MSK tərəfindən təsdiq edildikdən sonra Milli Şura tərəfindən onlara dəstək nəzərdə tutulmuşdur.

Üçüncüsü, avqustun 21-də Milli Şuranın təcili çağırılmış partiya sədrlərinin iclasında Liberal Partiyanın sədri Əvəz Temirxan tərəfindən təklif irəli sürülüb ki, konsensus yolu ilə siyasi liderlər öz aralarında seçim etsinlər və vahid namizəd haqqında qərar qəbul etsinlər. Belə olan halda namizədin kimliyindən asılı olmayaraq ALP onu dəstəkləməyə hazırdır. Prezident seçkiləri siyasi prosesdir və belə bir böhranlı vəziyyətdə məhz siyasi liderin vahid namizəd olmağı daha da məqsədəuyğundur. Lakin Milli Şuraya daxil olan siyasi partiya sədrləri bu təklifin müzakirəsindən imtina etmişlər”, deyə bəyanatda bildirilir. -06D-