Həbs edilmiş hüquq müdafiəçisi İlham Əmiraslanov aclıq aksiyasına başlayıb
5 saylı cəzaçəkmə müəssisəsində (Xələc qəsəbəsi) həbs cəzası çəkən “Kür” vətəndaş cəmiyyəti qərargahının fəalı İlham Əmiraslanov avqustun 23-də hüquqlarının pozulmasına qarşı etiraz əlaməti olaraq aclıq aksiyasına başlayıb. Bu barədə Turan-a Əmiraslanovun yaxınları bildirib.
O, bu etiraz aksiyası haqqında cəzaçəkmə rəhbərliyinə rəsmi xəbərdarlıq edib. Məhbus cəzasının üçdə-birini çəkməsi ilə əlaqədar məntəqə tipli cəzaçəkmə müəssisəsinə köçürülməsi və müddətin yarısı bitdikdən sonra vaxtından əvvəl şərti azadlığa buraxılması haqqında müraciətlərinə məhəl qoyulmamasından şikayət edir.
Əmiraslanov bildirir ki, o, heç bir pozuntuya yol verməyib, buna görə vaxtından əvvəl şərti azadlığa buraxılmasından imtina üçün heç bir əsas yoxdur.
O hesab edir ki, barəsində qərəzli qərar siyasi motivlidir, belə ki, digər məhbusları “pulla azad edirlər”.
Əmiraslanov həmçinin beynəlxalq təşkilatların nümayəndələrinin onun yanına buraxılmasına yaradılan maneələrin aradan qaldırılmasını tələb edir.
* İlham Əmiraslanov 2010-cu il daşqınından ziyan çəkmiş vətəndaşların hüquqları uğrunda prinsipial və ardıcıl mübarizəsi ilə məşhurdur. 2012-ci ilin iyununda o, qanunsuz silah saxlamaq ittihamı ilə həbs edilib və işgəncələrə məruz qalıb
Sentyabrın 13-də Sabirabad rayon məhkəməsi Əmiraslanovu qanunsuz narkotik saxlamaq ittihamı ilə (CM-in 228.1-ci mad.) 2 il azadlıqdan məhrum edib. 2013-cü il yanvarın 25-də Şirvan Apellyasiya Məhkəməsi bu qərarı qüvvədə saxlayıb. Amnesty İnternational Əmiraslanovu “vicdan məhbusu” kimi tanıyıb. -06B-
-
- Siyasət
- 23 Avqust 2013 14:03
-
- İqtisadiyyat
- 23 Avqust 2013 14:12
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz