Litvanın Azərbaycandakı səfiri istefa verib
Litva XİN avqustun 2-də Litvanın Azərbaycandakı səfiri Arturas Jurauskasın və Litvanın Macarıstandakı səfiri Renatas Yuşkanın istefa verdiklərini bildirib.
“Diplomat başa düşür ki, yaranmış vəziyyət mövcud mövqedə işi lazımi şəkildə davam etdirmək imkanını çətinləşdirir”, deyə XİN-in məlumatında bildirilir.
“Bunu ləyaqətli addım kimi qiymətləndirirəm. Aydındır ki, diplomatlardan nöqsansız əxlaq və etika standartları gözlənilir”, deyə xarici işlər naziri Linas Linkyaviçyus bildirib.
Jurauskas, Yuşka, habelə XİN-in Departament direktorunun müavini Zenonas Kumetaytis və XİN-in əməkdaşı Gediminas Kasputisun söhbətləri İnternetdə yayılıb.
Delfi.lt saytının məlumatına görə, YouTube-da Litva diplomatları arasındakı danışıqların audioyazıları yayılıb. Söhbət xüsusən Ermənistan Azərbaycan münaqişəsi və Dağlıq Qarabağla bağlı olub.
Renatas Yuşka həmsöhbətindən – XİN-in departament direktorunun müavini Zenonas Kumetaytisdən bu qarşıdurmada kimi dəstəklədiyini soruşub. Həmsöhbəti cavab verib: “Suala Rusiya prizmasından baxsaq, bu ölkələrdən hansının daha çox Rusiyayönümlü olduğunu sual etmək lazımdır. Dini və sadəcə humanist nöqteyi-nəzərdən, əlbəttə ki, ermənilər daha yaxındır, baxmayaraq ki, onlar alçaqdırlar”.
Öz növbəsində, Yuşka ermənilərə yazığı gəldiyini qeyd edib, belə ki, “onlar Litva kimi ölkələrinin ərazisini dəyişdirən Stalin rejimindən əziyyət çəkən xristianlardır”.
Arturas Jurauskas (Azərbaycandakı səfir) Türkmənistanda biznes həyata keçirilməsi ilə bağlı problemlər haqqında digər söhbətin iştirakçısı olub. Onun həmsöhbəti hansısa Litva sahibkarı olub. Söhbətlər Litva dilində aparılıb, lakin audioyazılara ingilis dilində subtitrlər əlavə olunub.
Litva diplomatlarını kimin dinlədiyi və onları Youtube-da yerləşdirdiyi məlum deyil. Litva tərəfi hesab edir ki, bu, Aİ ölkələrini qurumla yaxınlaşmaq istəyən Ermənistan və Azərbaycanın gözündən salmağa çalışan Rusiya xüsusi xidmət orqanlarının işidir. -02D-
-
- Siyasət
- 2 Avqust 2013 20:03
Siyasət
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
-
Azərbaycan Respublikasının Prezidenti İlham Əliyev Gürcüstanda keçirilmiş parlament seçkilərinin nəticələri və ölkənin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Baş nazir İrakli Kobaxidzeni təbrik edib.
-
Oktyabrın 26-da Azərbaycanın ekologiya və təbii sərvətlər naziri, COP 29-un prezidenti Muxtar Babayev ABŞ prezidentinin beynəlxalq iqlim siyasəti üzrə baş məsləhətçisi Con Podesta ilə görüşüb. Bu barədə X sosial platformasında COP-un səhifəsində deyilir.
Rəy yaz