Britaniyanın Avropa və ABŞ məsələləri üzrə naziri Alan Dunkan Azərbaycanda vətəndaş fəallarının həbsini pisləyən bəyanatla çıxış edib.
“Avqustun 12-də Azərbaycanda REAL Hərəkatının icraçı katibi Natiq Cəfərli şübhəli qanunsuz sahibkarlıq və sui-istifadə ittihamı ilə həbs olunub. Bundan əlavə, son günlər bir neçə vətəndaş fəalı həbs olunub.
Mən N.Cəfərlinin və digərlərinin həbsindən narahatam. Azərbaycanı öz beynəlxalq öhdəliklərini yerinə yetirməyə, insan hüquq və azadlıqları üzrə göstəricilərini yaxşılaşdırmağa çağırıram”, - Dunkan bildirib.
Öz növbəsində Avropa İttifaqının xarici siyasət üzrə nümayəndəsi Federiki Mogerininin mətbuat xidməti bu həbsləri pisləyib.
“Natiq Cəfərlinin həbsi Konstitusiyaya dəyişikliklər üzrə referendumun keçirilməsindən 6 həftə öncə baş verib. N.Cəfərlinin üzvü olduğu REAL Hərəkatı bu dəyişikliklərin əleyhinə olub.
Onun, eləcə də bu prosesə cəlb edilən digər fəalların həbsi çox narahatedici xəbərdir.
Sentyabrın 26-da keçiriləcək referendum zamanı Azərbaycan əhalisi ölkənin siyasi sistemində ciddi dəyişikliklərə səs verməlidir. Bu məsələ ətrafında debatlar ekspertlərin və Venesiya Komissiyası kimi institutların iştirakı ilə plüralist olmalıdır”, - bəyanatda deyilir.-16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz