Açiq mənbələrdən foto.
Bakı/14.09.23/Turan: Cümə axşamı Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqazda danışıqlar üzrə müşaviri Luis Bononu qəbul edib.
Ermənistan Təhlükəsizlik Şurasının mətbuat xidmətinin məlumatı bildirib ki, "Qriqoryan və Bono Dağlıq Qarabağ ətrafında vəziyyəti, humanitar böhranı və onun aradan qaldırılmasına yönələn səyləri, həmçinin Ermənistan-Azərbaycan münasibətlərinin nizamlanmasına dair məsələləri müzakirə ediblər".
Bononun regiona səfəri anons edilməyib, amma çox güman ki, o, Yerevandan Bakıya gələcək. Bu turnedə məqsədə gəlincə, ehtimal etmək olar ki, Vaşinqton ABŞ-da Bakı və Yerevan nümayəndələrinin növbəti görüşünə hazırlaşır.
Əvvəllər bunlar iki ölkənin xarici işlər nazirləri, yaxud Ermənistan Təhlükəsizlik Şurasının rəhbəri və Azərbaycan prezidentinin xarici siyasət üzrə köməkçisi olub. Bundan öncə Dövlət Departamentinin nümayəndələri Turan-ın Vaşinqton müxbirilə söhbət zamanı belə görüş barədə bildiriblər. 02B
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz