Azərbaycanın cinayət işi açdığı israilli bloger Aleksandr Lapşinin Belorusdan Azərbaycana ekstradisiya edilməsinə Belorus prezidenti Aleksandr Lukaşenko da münasibət bildirib.
Turan-ın xəbərinə görə, A.Lukaşenko bu gün, fevralın 3-də keçirdiyi mətbuat konfransında deyib ki, Rusiya və İsrail vətəndaşlığı olan blogerin Azərbaycana verilməməsi üçün rəsmi Belorusun əlində heç bir əsas yoxdur.
“Bizim o blogeri verməmək üçün heç bir əsasımız yoxdur. Qanun və qaydalar bunu tələb edir, onu Azərbaycana təhvil verməliyik. Doğrudur, biz onu buraxa da bilərik, lakin bu, heç də düzgün olmazdı”, deyən prezident qoşulduqları beynəlxalq və ikitərəfli razılılaşmalara əsasən blogeri Azərbaycana təhvil verməli olduqlarını vurğulayıb.
Turan həmçinin, israilli blogerin Azərbaycana ekstradisiyası məsələsinin fevralın 3-də Rusiya Xarici İşlər Nazirliyinin də gündəmində olduğunu qeyd edir.
Rusiya XİN-in sözçüsü Mariya Zaxarova fevralın 3-də jurnalistlərəı üçün ənəvi brifinqində demişdi ki, “Belorusun Rusiya vətəndaşını 3-cü ölkəyə verməsi qəbuledilməzdir. Biz bu məsələ ilə bağlı Belarus XİN və müvafiq orqanlarla əlaqə saxlayırıq”.—0—
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz