Macarıstanın xarici işlər və xarici ticarət naziri Peter Siyarto Avropa İttifaqını təcili olaraq Ukrayna və Gürcüstanla viza rejimini liberallaşdırmağa və Azərbaycanla saziş bağlamağa çağırıb, Anadolu agentliyi bildirib.
Siyarto Aİ ölkələri XİN rəhbərlərinin iclasındakı çıxışında qeyd edib ki, Aİ şərq qonşularınn təhlükəsizliyi çox kövrəkdir və bu vəziyyət Avropaya təhlükə yaradır: “Belarus istisna olmaqla, Ukrayna, Gürcüstan, Azərbaycan və Ermənistanda “qaynar” və “dondurulmuş” münaqişələr var”.
Onun sözlərinə görə, Aİ bu ölkələri dəstəkləməlidir. “Ukrayna və Gürcüstana viza rejimini liberallaşdırmaq lazımdır. Bu ölkələr lazımi tələbləri yerinə yetiriblər. Bu məsələdə gecikmək Avropanın təhlükəsizliyinə ziyan vura bilər”, - o vurğulayıb.
Siyarto Azərbaycanla Şərq əməkdaşlığına dair saziş bağlamağa çağırıb. “Xəzər sahilində yerləşən bu ölkə Avropa enerji mənbələrinin diversifikasiyasında əsas rol oynaya bilər. Azərbaycan Aİ-nin strateji tərəfdaşı hesab olunmalıdır”, - o qeyd edib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz