Gülər Əhmədovanın həbsi “mandat alveri” məsələsində ciddi addım sayıla bilər. Eyni zamanda medianın diqqətində olan Milli Təhlükəsizlik Nazirliyinin (MTN) zabiti Mahir Abdullayevin oğurlanmasında hələ ki, ciddi irəliləyiş müşahidə olunmayıb. Bu barədə Turan-a Mahir Abdullayevin ailəsinə yaxın mənbələrdən bildirilib.
2 övlad atası olan M.Abdullayev 2003- cü il oktyabrın 13-də gözlənilməz şəkildə oğurlanıb. Hadisədən 10 il keçməsinə baxmayaraq, M.Abdullayev tapılaraq ailəsinə təhvil verilməyib. Ötən müddətdə onun yaxınları, xüsusən qardaşı Elşad Abdullayev müxtəlif dövlət orqanlarına çoxsaylı müraciətlər etsə də müsbət nəticə əldə olunmayıb.
M. Abdullayevin oğurlanması faktı ilə bağlı Cinayət Məcəlləsinin müvafiq maddəsi ilə cinayət işi qaldırılsa da, prezidentin göstərişi ilə Müstəqil İstintaq Komissiyası yaradılsa da onun tapılması və cinayətkarların aşkarlanıb cəzalandırılması ilə bağlı hər hansı nəticə əldə etmək mümkün olmayıb. Ortada müəyyən faktların, şəxslərin adlarının keçməsinə baxmayaraq, Azərbaycan dövlətçiliyinin və qanunların aliliyi prinsiplərinə utanc və xələl gətirən ziyalı bir şəxsin, MTN mayorunun oğurlanması faktı bu günə qədər obyektiv və operativ araşdırılıb hüquqi qiymətini almayıb, mənbə bildirib.
Mənbə qeyd edib ki, yaxınları M.Abdullayevlə bağlı qeyri-müəyyənliyin aradan qaldırılması üçün konkret fəaliyyətə keçməyə qərarlaşıb. Bir qrup şəxs yaxın vaxtlarda M.Abdullayevin hüquqlarını Müdafiə Komitəsini təsis edəcək:
“Biz, bir qrup şəxs - Mahir Abdullayevin yaxın qohumları, ziyalılar, hüquq müdafiəçiləri, ictimai fəallar, medai mənsubları olaraq Mahir Abdullayevin hüquqlarının Müdafiə Komitəsini yaratmağa hazırlaşırıq. Əsas məqsəd 10 ilə yaxındır ki, taleyi haqda heç bir məlumat olmayan, oğurlanmış Azərbaycan vətəndaşının, MTN zabiti – Mahir Abdullayevin durumuna aydınlıq gətirilməsidir”.
Müdafiə Komitəsinin əsas məqsədi qanunlar çərçivəsində M. Abdullayevin tapılaraq ailəsinə təhvil verilməsi, onu oğurlayanların isə qanun qarşısında cavab verməsidir. Müdafiə Komitəsinin tərkibində Müstəqil Təhqiqat Qrupunun yaranması planlaşdırılır ki, bu da obyektiv araşdırmaların aparılması və M.Abdullayevlə bağlı həqiqətlərin ictimaiyyətə çatdırılmasına xidmət edəcək. -0-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz