Makedoniya prezidenti Azərbaycana gəlir

Bakı/28.02.18/Turan: Makedoniya prezidenti George İvanov mart ayında Azərbaycana səfər edəcək. Bu haqda Diasporla İş üzrə Dövlət Komitəsinin mətbuat xidmətinin məlumatında bildirilir.

Qonaq martın 15-18-də keçiriləcək VI Qlobal Bakı Forumunda iştirak edəcək.

Forumda G.İvanovdan başqa Albaniya, Monteneqro və Moldova prezidentləri, Türkiyənin baş naziri və xarici işlər naziri iştirak edəcəklər.

Tədbirdə 500 nəfərə yaxın qonağın, o cümlədən bir sıra dövlətlərin indiki və keçmiş prezidentlərinin, hökumət başçılarının iştirak edəcəyi bildirilir.

Forum iştirakçıları Yaxın Şərq regionunda sülh və təhlükəsizlik məsələləri, Balkan regionunda geosiyasi vəziyyət, müasir dövrdə ictimai və siyasi həyatda gənclərin artan rolunu müzakirə edəcəklər.

Qlobal Forumun əsasını 2013-cü ildə Azərbaycan prezidenti İlham Əliyev və Rusiyanın baş naziri Dmitry Medvedyev qoyublar.-05D-