Açiq mənbələrdən foto.
Bakı/27.07.21/Turan: İyulun 27-də Bakı Ağır Cinayətlər Məhkəməsində mədəniyyət nazirinin keçmiş müavini Rafiq Bayramovun işi üzrə prosesdə prokuror onun 10 il müddətinə azadlıqdan məhrum edilməsini istəyib.
Onun vəkili yekun çıxışa hazırlıq üçün vaxt istəyib, bununla əlaqədar hakim növbəti iclası avqustun 10-na təyin edib.
Xatırladaq ki, mədəniyyət nazirinin müavini Rafiq Bayramov və Mədəni İrsin Qorunması , İnkişafı və Bərpası üzrə Dövlət Xidmətinin rəisi Zakir Sultanov 2020-ci ilin mayında Dövlət Təhlükəsizliyi Xidmətinin xüsusi əməliyyatı zamanı saxlanılıb.
Bayramova və Sultanova qarşı vəzifə səlahiyyətlərindən sui-istifadə, mənimsəmə, vəzifə saxtakarlığı ittihamları irəli sürülüb.
Sonradan Sultanov barəsində cinayət işi ayrıca icraata ayrılıb. -16D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz