Məhkəmə AbzasMedia nəşrinin jurnalistlərini ev dustaqlığına buraxmayıb
Bakı/10.01.24/Turan: Çərşənbə günü Xətai məhkəməsi AbzasMedia nəşrinin jurnalistlərinin - Ülvi Həsənli və Sevinc Vaqifqızı, habelə araşdırmaçı jurnalist Hafiz Babalının ev dustaqlığına buraxılması ilə bağlı müdafiə tərəfinin vəsatətlərini təmin etməyib.
Vəkillər jurnalistlərin həbsdə saxlanılması üçün maddi və prosessual əsasların olmadığını qeyd ediblər.
Bununla belə, hakim Sülhanə Hacıyeva hər üçünü həbsdə saxlayıb.
Məhkəmədən sonra vəkillər qeyd ediblər ki, həbs olunan jurnalistlərin öz müdafiəçilərilə ünsiyyətinin məxfiliyi konvoy tərəfindən pozulub.
Xatırladaq ki, jurnalistlər xarici valyuta qaçaqmalçılığı ittihamı ilə həbs olunublar. Söhbət xarici donorlardan "qanunsuz" pul alınması iddialarından gedir.
Jurnalistlər ittihamları rədd edirlər. Hüquq müdafiəçiləri onları siyasi məhbuslar kimi tanıyıblar. -0-
Siyasət
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
-
Fevralın 3-də Bakı Ağır Cinayətlər Məhkəməsində ictimai fəal Nicat İbrahimin işi üzrə proses başlayacaq. Bu qərarə çərşənbə günü hazırlıq iclasında hakim Aygün Qurbanova qəbul edib.
Rəy yaz