![Məhkəmə Anar Məmmədlini qətimkan tədbirini ev dustaqlığı ilə əvəz etməkdən imtina edib](https://turan.az/resized/media/2014/main/040100074045-750-500-resize.webp)
Məhkəmə Anar Məmmədlini qətimkan tədbirini ev dustaqlığı ilə əvəz etməkdən imtina edib
Bu gün Nəsimi rayon məhkəməsi Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədlinin qətimkan tədbirinin ev dustaqlığı ilə əvəz edilməsi haqqında vəsatətini təmin etməyib. Bu barədə Turan-a Məmmədlinin vəkili Fariz Namazlı bildirib.
Onun sözlərinə görə, bundan əvvəl prokurorluq Məmmədlinin həbsdə saxlanmasını onun istintaqdan gizlənə və şahidlərə təzyiq göstərə biləcəyi ilə əsaslandırıb.
“Amma ibtidai istintaq yekunlaşıb və Anar Məmmədli istintaqdan yayına və ya şahidlərə təzyiq göstərə bilməz”, deyə Namazlı bildirib.
Lakin məhkəmə vəsatəti təmin etməyib və bu qərardan apellyasiya şikayəti veriləcək.
* Anar Məmmədli 16 dekabr 2013-cü ildə qanunsuz sahibkarlıq, vergilərdən yayınma, vəzifə səlahiyyətlərini aşma ittihamı ilə saxlanılıb. Məhkəmə onun 3 ay müddətinə həbsinə qərar verib.
Martın 19-da ibtidai istintaq yekunlaşıb və Məmmədli, habelə ölkəni tərk etməmək haqqında iltizam vermiş digər iki fəal – Bəşir Süleymanlı və Elnur Məmmədov 179.3.2 (böyük ölçüdə əmlakı mənimsəmə) və 313-cü (vəzifə saxtakarlığı) maddələrlə ittiham irəli sürülüb.
** Amnesty İnternational beynəlxalq hüquq-müdafiə təşkilatı Məmmədlini “vicdan məhbusu” kimi tanıyıb. Hüquq müdafiəçilərini müdafiə edən digər təşkilat – Front Line Defenders Məmmədlini Soçidə Olimpiya Oyunlarına həsr edilmiş kampaniya çərçivəsində müdafiə olunan 12 hüquq müdafiəçisi siyahısına daxil edib.
Məmmədlinin həbsinin əsl səbəbi Azərbaycanda 2013-cü ilin oktyabrında keçirilən prezident seçkiləri zamanı hakimiyyətin saxtakarlıqlarını ifşa etməsidir. -06B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz