Məhkəmə Azərbaycan Xalq Cəbhəsi Partiyasının qurultayının qərarını etibarsız sayıb
Məhkəmə Azərbaycan Xalq Cəbhəsi Partiyasının qurultayının qərarını etibarsız sayıb
İyulun 5-də Nəsimi Rayon Məhkəməsi Azərbaycan Xalq Cəbhəsi Partiyasının ötən il iyunun 24-də keçirilmiş qurultayının nəticələrinin etibarsız sayılması barədə qərar qəbul edib.
Bu qərar qurultayın yalnız bir iştirakçısı Aydın Əliyevin şikayəti əsasında qəbul edilib. Bu barədə Turan-a Azərbaycan Xalq Cəbhəsi Partiyası sədrinin müavini Seymur Həzi bildirib.
"Keçən ilin iyunun 24-də Azərbaycan Xalq Cəbhəsi Partiyasının qurultayı olub, qurultayda sədr və partiyanın daxili qurumlarına seçkilər keçirilib, qərarlar verilib. Aydın Əliyev qurultayı yarımçıq tərk edib, seçkilərdə iştirak etməyib və ona söz veriləcəyi təqdirdə bundan istifadə etmək istəməyib. İndi isə məhkəməyə şikayət edib və məhkəmə onun şikayətini təmin edib, qurultayda qəbul edilmiş qərarları etibarsız sayıb".
O qeyd edib ki, partiyanın qurultayı mətbuat üçün açıq olub və seçkilər tam şəffaf keçirilib.
Azərbaycan Xalq Cəbhəsi Partiyasının lideri Əli Kərimli də məhkəmə qərarının qanunsuz olduğunu bildirib.
“Qurultay mətbuata açıq keçirilib. Səsvermə və səslərin hesablanması prosesi tam şəffaf olub. Mən qurultayda gizli səsvermə yolu ilə, yekdilliyə yaxın səs çoxluğu ilə (yalnız bir nəfər əleyhinə olmaqla) sədr seçilmişəm. Səsvermə və səslərin hesablanması prosesi tam şəffaf olub, jurnalistlər tərəfindən çəkilib və ictimaiyyətə təqdim olunub. Ötən 1 il ərzində Ədliyyə Nazirliyi mənim sədr seçilməyim haqqında Azərbaycan Xalq Cəbhəsi Partiyasının qurultayının qərarını qanunsuz olaraq, siyasi tapşırıqla dövlət reyestrinə daxil etməyib. Paralel olaraq hakimiyyət tərəfindən Azərbaycan Xalq Cəbhəsi Partiyasının qurultayının nəticələrinin etibarsız hesab edilməsilə bağlı sifarişli məhkəmə prosesi başladılıb. Bu gün məhkəmə prosesi 1-ci instansiya məhkəməsində başa çatıb. Nəsimi Rayon Məhkəməsi qurultayın nəticələrini etibarsız hesab edib”, – partiya sədri qeyd edib.
O əlavə edib ki, Nəsimi Rayon Məhkəməsinin qərarından apellyasiya şikayəti veriləcək.
“Apellyasiya Məhkəməsinin qərarına qədər qurultayın qərarları qüvvəsindədir. Bu məhkəmə qərarları Azərbaycan Xalq Cəbhəsi Partiyasının partiya olaraq qeydiyyatını şübhə altına almır. Rejimin dərdi məni Azərbaycan Xalq Cəbhəsi Partiyasının sədri kimi tanımamaqdır”, - Əli Kərimli qeyd edib.
Onun sözlərinə görə, partiyaya qarşı şikayət verən Aydın Əliyev 2019-cu ildə hakimiyyətlə əlaqələrə görə təşkilatdan xaric edilib. Sonradan 2020-ci ildə məhkəmə onu Nəzarət-Təftiş Komissiyasının rəhbəri vəzifəsinə bərpa edib.
Aydın Əliyevdən və Nəsimi Rayon Məhkəməsindən şərh almaq mümkün olmayıb.
-
- Siyasət
- 6 İyul 2024 09:14
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz