“Azad Gənclik Təşkilatı” gənclər hərəkatının lideri Ülvü Həsənli cümə günü saat 11:00-da Nizami Rayon Məhkəməsinə çağırılıb. Orada məhkəmə icraçıları onun mobil telefonunu və noutbukunu əlindən alıblar. Bu barədə Turan-a Ü.Həsənli bildirib.
“Onlar məndən 600 manat cərimə ödəməyi tələb etdilər, lakin mənim bu qədər pulum yoxdur. Onda mənim telefonumu və kompüterimi götürdülər. Mən hələ də məhkəmədəyəm və hələlik hansı qərarın çıxarılacağı barədə açıqlama verilmir”, - Ü. Həsənli qeyd edib.
Xatırladaq ki, Ü.Həsənli yanvarın 12-də Bakıda əsgər ölümlərinə etiraz olaraq keçirilən icazəsiz aksiyada iştiraka görə cərimələnib.-V26-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz