Məhkəmə ilahiyyatçının işgəncə haqqında şikayətinə baxacaq

Sabunçu rayon məhkəməsində qiyamçı Nardaran qəsəbəsindən olan ilahiyyatçı Taleh Bağırzadənin işgəncə haqqında şikayətinə baxılması aprelin 11-nə təyin edilib. 

Vəkil Cavad Cavadlının Turan-a verdiyi məlumata görə, şikayət Sabunçu rayon polis idarəsindən verilib. Onun sözlərinə görə, saxlanılma və Sabunçu polisində həbsdə olduğu zaman Bağırzadə döyülməyə məruz qalıb. Lakin ekspertiza yubadılır.

“Zorakılıq izləri tədricən keçir. Bağırzadənin sağ biləyində izlər və ağrı qalmaqdadır, bu isə ciddi xəsarətlərdən xəbər verir”, deyə Cavadlı bildirib. Onun sözlərinə görə, Bağırzadəni doğmaları ilə görüşdürmürlər və Mütəşəkkil Cinayətkarlığa qarşı Mübarizə idarəsində saxlayırlar. Vəkil onun istintaq təcridxanasına köçürülməsinə nail olmağa çalışır.

Sabunçu rayon polis idarəsindən şərh almaq mümkün olmayıb.

DİN-in mətbuat xidmətindən bildiriblər ki, şikayət əsassızdır.

Bağırzadə martın 31-də qanunsuz narkotik saxlamaq (234.1-ci maddə) ittihamı ilə saxlanılıb. İstintaqın məlumatına görə, ondan 1,026 qram heroin müsadirə edilib.

Lakin Bağırzadənin yaxınları iddia edirlər ki, həbsin əsl səbəbi ölkə hakimiyyətinin Youtube vasitəsilə kəskin tənqidi olub. -16B06-