Vüqar Səfərli
Məhkəmə KİV-ə Dövlət Dəstəyi Fondunun keçmiş rəhbərinin əmlakını müsadirə edib
Bakı/28.12.21/Turan: Bu gün Bakı Ağır Cinayətlər Məhkəməsi KİV-ə Dövlət Dəstəyi Fondunun keçmiş rəhbəri Vüqar Səfərlinin əmlakının müsadirə edilməsi haqqında qərar qəbul edib.
Dünən iyirmi milyon manata yaxın vəsaitin mənimsənilməsinə görə 10 il yarım müddətinə azadlıqdan məhrum edilən Səfərli çox sayda daşınmaz əmlakını: Bakının müxtəlif hissələrində və Bakıətrafı bölgələrdə torpaq sahələrini, evlərini və mənzillərini, İsmayıllıda torpaq sahələrini, habelə bir neçə bahalı avtomobili itirib.
Bundan başqa, məhkəmə Səfərlinin müxtəlif banklardakı hesablarında ümumilikdə 1 mln. manat məbləğində pul vəsaitini müsadirə edib.
Xatırladaq ki, Vüqar Səfərli 2015-2018-ci illərdə 18 milyon manatdan çox vəsaiti mənimsəməkdə təqsirli bilinib.
Bu vəsait jurnalist evlərinin tikintisi zamanı oğurlanıb. Vəsaitin bir hissəsi KİV-ə dəstək və tədbirlərin keçirilməsi məqsədilə pul ayrılması zamanı mənimsənilib.
Səfərlinin işi üzrə Məhkəmədə oğurlanan vəsaitin bir hissəsinin Əli Həsənova - dövlət başçısının köməkçisinə verildiyi barədə məsələ dəfələrlə qaldırılsa da, məhkəmə Həsənovu prosesə dəvət etməyib. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz