Euljekjian Vicken Abraham
Məhkəmə livanlı muzdluunu 20 il azadlıqdan məhrum edib
Bakı/14.06.21/Turan: İyunun 14-də Yasamal Rayon Məhkəməsi Qarabağda döyüşlərdə muzdlu kimi ermənilərin tərəfində döyüşmüş Livan vətəndaşı Eulcekciyan Vigen Abrahamın barəsində hökmü elan edib. Məhkəmə onu cəzasının ilk beş ilini qapalı həbsxanada, qalan müddəti isə koloniyada çəkməklə 20 il müddətinə azadlıqdan məhrum edib.
İttiham materiallarına əsasən 29 sentyabr 2020-ci il tarixində Eulcekciyan Vigen Abraham (Livan vətəndaşı, Beyrut sakini, 1979-cu ildə anadan olub) Ovak Kikiyanın (həmçinin Livan vətəndaşıdır) təklifi ilə Azərbaycanın işğal olunmuş ərazilərində döyüşlərdə 2500 ABŞ dolları məbləğində muzdlu kimi iştirak edib.
Həmin gün o, mütəşəkkil qrupun digər üzvləri ilə birlikdə Azərbaycanın dövlət sərhəddini keçib.
Eulcekciyan və digər muzdlular əllərində silahla Azərbaycan vətəndaşlarına və ordusuna qarşı terror əməlində iştirak ediblər. O, noyabrın 10-da Şuşada birgə yaşadığı Maral Nacaryanla birlikdə saxlanılıb. Nacaryan şahid kimi keçib və sonra buraxılıb.
Eulcekciyana qarşı Azərbaycan Cinayət Məcəlləsinin 114.3-cü (hərbi münaqişədə və ya hərbi əməliyyatda muzdlunun iştirakı), 214.2.1-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən terror törədilməsi), 318.2-ci (dövlət sərhəddini qanunsuz keçmək) maddələrilə ittiham irəli sürülüb.
Sözügedən maddələr üzrə müttəhimi ömürlük həbs cəzası gözləyirdi.—06D--
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz