
Məhkəmə Nazim Bəydəmirlinin ilkin həbs müddətini uzadıb
Məhkəmə Nazim Bəydəmirlinin ilkin həbs müddətini uzadıb
Martın 29-da Bakının Nərimanov Rayon Məhkəməsi parlamentin keçmiş deputatı, sahibkar Nazim Bəydəmirlinin ilkin həbs müddətini bir ay uzadıb. Bu barədə Turan-a onun həyat yoldaşı Fəridə Bəydəmirli bildirib.
Onun sözlərinə görə, bu qərardan apellyasiya şikayəti veriləcək.
* N.Bəydəmirli 2023-cü il iyulun 4-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən CM-in 182.2.4-cü (hədə-qorxu ilə tələb etmə, xeyli miqdarda əmlak əldə etmək məqsədi ilə törədildikdə) maddəsi ilə ittiham edilərək saxlanılıb.
Ertəsi gün məhkəmə onu 4 ay müddətinə həbs edib. Bəydəmirli ittihamı qəbul etməyib. Onun sözlərinə görə, həbsinin əsl səbəbi Gədəbəy rayonunun Söyüdlü kənd sakinlərinin ətraf mühitin çirklənməsi ilə bağlı etirazlarını müdafiə etməsidir.
Sentyabrın 1-də Bəydəmirliyə qarşı CM-in 182.2.2-ci maddəsi ilə (hədə-qorxu ilə tələb etmə, təkrar törədildikdə) daha bir ittiham irəli sürülüb. Vəkilin sözlərinə görə, bu ittiham Bəydəmirlinin guya 1996-cı ildə RF-nin Lipetsk şəhərində kimdənsə pul tələb etməsi ilə əsaslandırılıb.
Hüquq müdafiəçiləri Bəydəmirlini siyasi məhbus kimi tanıyıblar.
Siyasət
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
-
Azərbaycan "Sputnik-Azərbaycan" və BBC News Azərbaycanca redaksiyalarının işini məhdudlaşdıracaq. Bu barədə fevralın 13-də hökumətyönlü KİV məlumatlı mənbəyə istinadən bildirib.
Rəy yaz