Məhkəmə Qubad İbadoğlunun həbs müddətini üç ay uzadıb
Məhkəmə Qubad İbadoğlunun həbs müddətini üç ay uzadıb
Bu gün Bakının Nərimanov Rayon Məhkəməsində istintaq orqanının Azərbaycan Demokratiya və Rifah Partiyasının sədri professor Qubad İbadoğlunun həbs müddətinin uzadılması haqqında təqdimata baxılıb.
Vəkil Zibeydə Sadıqovanın Turan-a verdiyi məlumata görə, məhkəmə siyasətçinin həbs müddətini daha 3 ay uzadıb.
Onun sözlərinə görə, müstəntiq və prokuror həbs müddətinin uzadılmasını istintaq hərəkətlərinin davam etdirilməsi zərurəti ilə əsaslandırıb. Onlar iddia ediblər ki, siyasətçi azadlıqda olsa, istintaqa təsir göstərə bilər.
"Qubad İbadoğluna qarşı yeni ittihamlar da irəli sürülə bilər", deyə Sadıqova məhkəmə iclasının yekunlarını şərh edərkən bildirib. İbadoğlu özü ittihamların və həbsdə saxlanılmasının əsassız olduğunu bildirib.
Vəkil həmçinin siyasətçiyə qarşı irəli sürülən ittihamların hüquqi əsası olmadığını qeyd edib. Məhkəmə müdafiə tərəfin dəlillərinə məhəl qoymayıb, məhkəmənin qərarından şikayət veriləcək.
Siyasətçinin qardaşı Qalib Bayramov İbadoğlunun səhhətindəki problemlərin dərinləşdiyini qeyd edib. Onurğa disklərinin çıxıntısı, yerdəyişməsi və sinirlərin əzilməsi səbəbindən o, yata bilmir və yorğundur. Hərəkət etmək qabiliyyəti gündən-günə azalır.
İnsulin qəbulu yan təsirlərə səbəb olub və nəbzi dəqiqədə 115-120 dəfə vurur. Artıq iki həftədir hakimiyyət nevroloq və endokriloqun İbadoğuna baş çəkməsinə icazə vermir.
Penitensiar Xidmətdən şərh almaq mümkün olmayıb.
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz