Bakı/11.10.17/Turan: 1 saylı Bakı İnzibati-İqtisad Məhkəməsi Turan agentliyinin Vergilər Nazirliyinin Bakı Şəhər Lokal Gəlirlər Departamentinə qarşı iddiasının təmin edilməsini mümkünsüz hesab edib.
İddiada 2010-2017-ci illər üçün agentlikdə növbədənkənar səyyar vergi yoxlamasının təyin edilməsi barədə qərarın etibarsız və qanunsuz tanınması xahiş edilib.
Sədrlik edən hakim Müseyib Bayramov iddianı məqbul saymayıb və səyyar yoxlamanın inzibati akt olmaması və ondan şikayət verilməməsilə bağlı Vergilər Nazirliyinin nümayəndəsinin vəsatətinə əsaslanıb.
Beləliklə, məhkəmə faktiki olaraq iddiaya baxılması ilə bağlı məsuliyyəti öz üzərindən atıb, iddiaya baxılmasını Apellyasiya Məhkəməsinin öhdəsinə buraxıb.
Vəkil Fuad Ağayev cavabdehin dəlilləri və məhkəmənin qərarı ilə razı olmadığını bildirib. O deyib ki, Vergilər Nazirliyinin 7 sentyabr 2016-cı ildə təsdiqlədiyi "Səyyar vergi yoxlamalarının icraatı qaydaları"na əsasən vergi ödəyicisi 30 gün müddətində yoxlama barədə qərardan şikayət vermək hüququna malikdir.
F.Ağayev qeyd edib ki, iddiaçı Apellyasiya Məhkəməsinə müraciət edəcək və apellyasiya şikayətinə baxılması üçün ən azı bir ay lazım gələcək.
Turan agentliyinin digər iddiasına, agentliyə qarşı cinayət işinin açılması barədə 7 avqust tarixli qərarın qanunsuz olması ilə bağlı Vergilər Nazirliyinin Vergi Cinayətlərinin İbtidai Araşdırılması Departamentinə qarşı iddiasına baxılması isə dekabrın 5-nə keçirilib.
Turan Vergilər Nazirliyinin və məhkəmənin hərəkətlərini agentliyə və onun direktoru Mehman Əliyevə qarşı cinayət təqiblərinin uzadılması, kollektivin jurnalist fəaliyyətinə əngəl yaradılması kimi qiymətləndirir.
* Lokal Vergilər Departamenti mayda Turan agentliyinə qarşı 2016-cı il üçün 5 min manat həcmində cərimə təyin edib. Amma Turan-ın inzibati şikayətindən sonra Vergilər Nazirliyinin yuxarı instansiyası araşdırma apardıqdan sonra iyunun 30-da bu qərarı ləğv edib. Avqustun 7-də departament 2016-cı il üçün bu dəfə 9 min manat, 2014-2016-cı illər üçün isə 37 min manat vergi hesablayıb. Agentliyə qarşı cinayət işi açılıb.
Avqustun 25-də agentliyin direktoru Mehman Əliyev həbs edilib. Amma sentyabrın 11-də o Bakı şəhərindən çıxmamaq haqqında iltizam alınaraq azad edilib. -06B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz