![Məhkəmə Yadigar Sadlqovu vaxtından əvvəl azad etməkdən imtina edib](https://turan.az/resized/media/2015/main/042200113480-750-500-resize.webp)
Məhkəmə Yadigar Sadlqovu vaxtından əvvəl azad etməkdən imtina edib
Ötən gün Qaradağ Rayon Məhkəməsi Müsavat Partiyasının sədr müavini Yadigar Sadıqovun cəza müddətinin yarısını çəkməsilə əlaqədar vaxtından əvvəl şərti azadlığa buraxılmasından imtina edib. Bu barədə siyasi məhbusların Müdafiə Komitəsi bildirib.
Məhkəmə koloniya administrasiyasının təqdim etdiyi mənfi xasiyyətnaməyə görə Y.Sadıqovun xahişini təmin etməyib. Belə ki, administrasiya hesab edir ki, Y.Sadıqov “peşmançılıq hissi keçirmir, əməyə meylli deyil, səhərdən axşama kimi kitab oxuyur və islah olunmayıb”.
2014-cü ilin noyabrında da həmin motivlərlə Y.Sadıqov cəzasının üçdə bir hissəni çəkdiyindən vaxtından əvvəl azadlığa buraxılmasına imkan verilməyib.
Komitə koloniya rəhbərliyinin dəlillərini əsassız və absurd sayır.
* Yadigar Sadıqov 2013-cü ilin iyununda xuliqanlıq ittihamı ilə 6 il azadlıqdan məhrum edilib. Sonradan Apellyasiya Məhkəməsi həbs müddətini 4 ilədək, Ali Məhkəmə isə 3,5 ilədək azaldıb.
Hüquq-müdafiə təşkilatları onu siyasi məhbus kimi tanıyıblar. Y.Sadıqov həbs olunan zaman Müsavat Partiyası rəhbərinin müşaviri olub. 2014-cü ilin sentyabrında qiyabi olaraq Müsavat Partiyası sədrinin müavini seçilib.-06D-
-
- Siyasət
- 22 Aprel 2015 12:21
-
- İqtisadiyyat
- 22 Aprel 2015 12:54
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz