• flag_EN
    • flag_RU

Son yenilənmə

(10 saat əvvəl)
Məhkəmələr FHN-i zərərçəkmiş vətəndaşlardan qoruyur
A- A A+
RU
Turan İnformasiya Agentliyi
Turan İnformasiya Agentliyi

Məhkəmələr FHN-i zərərçəkmiş vətəndaşlardan qoruyur

Oktyabrın 23-də Şirvan Apellyasiya Məhkəməsində İmişli, Salyan və Sabirabad rayonlarının üç qrup sakinlərinin FHN-ə qarşı iddialarına baxılıb. Bu 20 iddiaçı 2010-cu ilin may-iyun aylarında Kür çayında baş vermiş daşqından ziyan çəkib.

 
    Zərərçəkmişlərin hüquqlarını müdafiə edən “Kür” qərargahının koordinatoru Oqtay Gülalıyevin Turan-a verdiyi məlumata görə, məhkəmə vətəndaşların dəymiş ziyanın müstəqil ekspertizasının keçirilməsi haqqında vəsatətini təmin etməyib. Bununla da məhkəmə birinci instansiya məhkəməsinin qərarını qüvvədə saxlayıb. Bir halda hətta məhkəmə inzibati-iqtisad məhkəməsinin qərarını ləğv edib. Həmin məhkəmədə FHN evlərin tikintisinə razılıq vermişdi.
 
    Gülalıyev bildirib ki, müdafiə tərəfi Apellyasiya Məhkəməsinin qərarlarından Ali Məhkəməyə şikayət vermək niyyətindədir.
 
    Bugünki iclasda FHN-in, “Meliorasiya və su təsərrüfatı” ASC-nin və İmişli rayon icra hakimiyyətinin nümayəndələri iştirak edib.
 
    Bir müddət əvvəl inzibati-iqtisad məhkəməsi daşqından ziyan çəkənlərin 70-ə yaxın iddiasını təmin etməyib. Hazırda məhkəmədə təxminən 50 iddiaya baxılır.
 
    * 2010-cu ilin may ayında Araz və Kür çaylarında daşqın nəticəsində 30 rayonda evlərə və təsərrüfatlara ziyan dəyib. Fəlakətin nəticələrinin aradan qaldırılması üçün dövlət büdcəsindən 460 mln. manat ayrılıb. Lakin indiyədək yüzlərlə insan normal mənzillə və ədalətli təzminatla təmin edilməyib.
 
    200 ailə FHN-i, “Meliorasiya və su təsərrüfatı” ASC-ni, habelə rayon icra hakimiyyətlərini məhkəməyə verib. Bu günə 114 şikayət məhkəmələrdədir. İki şikayət Avropa İnsan Hüquqları Məhkəməsinə göndərilib. Bütün iddiaçıların hüquqlarını “Kür” qərargahı müdafiə edir. -06B-
 

Rəy yaz

Siyasət

Bizi sosial şəbəkələrdə izləyin

Xəbər lenti