Mehman Hüseynova şəxsiyyət vəsiqəsi vəd edilib (YENİLƏNİB)

Hazırda İsveçrədə məcburi mühacirətdə olan Reportyorların Azadlıq və Təhlükəsizlik İnstitutunun (RATİ) rəhbəri Emin Hüseynovun qardaşı, facebook fəalı Mehman Hüseynova sentyabrın 9-da ASAN xidmət tərəfindən şəxsiyyət vəsiqəsi veriləcəyi barədə vəd verilib.

Bloger avqustun 7-də Səbail rayon Polis İdarəsində müstəntiqlə görüşüb və müstəntiq Hüseynova şəxsiyyət vəsiqəsinin verilməsi ilə bağlı problemin aradan qaldırıldığını bildirib. Bu barədə Turan-a bloger özü məlumat verib.

Xatırladaq ki, Mehman Hüseynov sentyabrın 6-da ASAN Xidmətdən şəxsiyyət vəsiqəsi almaq istəyərkən polis tərəfindən bir saat saxlanıb və sonra azad buraxılıb.

2012-ci il iyunun 6-da Hüseynova qarşı xuliqanlıq ittihamı ilə cinayət işi başlanıb.

Onun şəxsiyyət vəsiqəsi və ümumvətəndaşlıq pasportu 2014-cü ildə​ Bakı aeroportunda Tbilisiyə getmək istəyərkən alınıb. Oradan o, polisə aparılıb. Mehman Hüseynov sonradan azad buraxılıb, lakin sənədləri geri qaytarılmayıb.

Ona ölkəni tərk etmək qadağan edilib.

Reportyorların Azadlıq və Təhlükəsizlik İnstitutunun (RATİ) qapıları 2014-cü ilin sentyabrında prokurorluq tərəfindən bağlanıb. RATİ direktoru Emin Hüseynov 10 ay İsveçrənin Azərbaycandakı səfirliyinə sığınandan sonra İsveçrə xarici işlər nazirinin təşəbbüsü ilə bu ölkədə məcburi sığınacaq tapıb. RATİ ölkədə insan və media hüquqlarının müdafiəsi sahəsində ixtisaslaşmış qurumdur.

Mehman Hüseynov Turan-a bildirib ki, barəsində açılmış cinayət işi hələ də qapadılmayıb.

“Sentyabrın 9-da şəxsiyyət vəsiqəsini aldıqdan sonra, ümumvətəndaşlıq pasportu almaqla bağlı müraciət edəcəyəm. Eyni zamanda, barəmdə qaldırılmış cinayət işinin qapadılması məsələsini danışacağam”, deyə o qeyd edib. -03B- 

*   *   *

2015 Sentyabr 06 (Bazar) 17:37:31

Bloger Mehman Hüseynov sentyabrın 6-da Sabunçu rayon ASAN Xidmətdən şəxsiyyət vəsiqəsi alarkən növbəti dəfə polis tərəfindən saxlanılıb.

Ötən ilin noyabrında bloger ölkədən buraxılmamışdı. Buna səbəb kimi 2012-ci ilin yayında ona qarşı xuliqanlığa görə qaldırılmış cinayət işi göstərilmişdi. O zaman M.Hüseynovun pasportu və şəxsiyyət vəsiqəsi alınmışdı.

Bloger bildirib ki, bu yaxınlarda DİN-ə müraciət edib və ona bildirilib ki, hər hansı sənəd alması üçün qadağa yoxdur.

Üç gün öncə o, Sabunçu rayon ASAN Xidmət Mərkəzinə müraciət edib və orada da ona bildirilib ki, şəxsiyyət vəsiqəsi alması üçün heç bir problem yoxdur, üç gündən sonra gəlib sənədlərini götürə bilər.

Bazar günü ASAN xidmətdə bildirilib ki, sənəd veriləcək, bir qədər gözləsin. Belə çıxıb ki, bunu polis gələnə qədər blogeri orada yubatmaq üçün ediblər.

M.Hüseynov Sabunçu rayon 13-cü polis bölməsinə aparılıb. Ona bildirilib ki, üç il öncə onun barəsində cinayət işi qaldıran Səbayel polisi sənəd verilməsini qadağan edib.

Blogerdən sentyabrın 7-də Səbayel polisində olmasına dair iltizam alınıb.

M.Hüseynov ona şəxsiyyət vəsiqəsinin verilməməsini vətəndaş hüquqlarının pozulması və bloger fəaliyyətilə əlaqədar təzyiqlərə məruz qalması ilə izah edib.

M.Hüseynov məmur və hüquq-mühafizə orqanlarını ifşa edən satirik yazı, foto və videomaterialları ilə tanınır.

Bundan öncə də M.Hüseynov bloger fəaliyyətilə əlaqədar dəfələrlə polis və prokurorluğa çağırılaraq dindirilib.—06D--

Rəy yaz

Siyasət

Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti