Mehri dəhlizi Cənubi Qafqazda stabilləşmənin mühüm amilidir - RF xarici işlər nazirinin müavini

Bakı/09.10.23/Turan: Azərbaycanın qərb rayonlarından Naxçıvan Muxtar Respublikasına Ermənistandan keçən nəqliyyat dəhlizinin açılması "Zaqafqaziyada ümumi stabilləşmənin mühüm amili" olardı. Bu fikri RBK-ya müsahibəsində RF xarici işlər nazirinin müavini Mixail Qaluzin bildirib.

Qaluzunun "Mehri" adlandırdığı bu dəhliz açıldığı təqdirdə Ermənistan "nəqliyyat-logistika habına çevrilmək imkanı əldə edəcək, həm Azərbaycan və Türkiyə ilə, həm də Rusiya ilə nəqliyyat əlaqələrini möhkəmləndirəcək və genişləndirəcək".

"Azərbaycan ölkənin iki hissəsi arasında fasiləsiz ritmik nəqliyyat əlaqəsi yaratmaq imkanı əldə edəcək. Və Zaqafqaziyada ümumi vəziyyətin stabilləşməsi gələcəkdə Ermənistan və Azərbaycan arasında etimad əsaslarının möhkəmlənməsinə xidmət edəcək. Odur ki, biz bundan sonra da üçtərəfli işçi qrup çərçivəsində bu məsləhətləşmələri irəlilətmək niyyətindəyik", deyə Qaluzin bildirib. 06В