![Mehriban Əliyevanın namizədliyi barədə təşşəbbüs geri götürülür ?](https://turan.az/resized/media/2013/main/072500043760-750-500-resize.webp)
Mehriban Əliyevanın namizədliyi barədə təşşəbbüs geri götürülür ?
Demokratik Azərbaycan Dünyası Partiyasının (DADP) sədri, bir ay əvvəl birinci ledi Mehriban Əliyevanın prezidentliyə namizədliyini irəli sürmüş Əlisahib Hüseynov polisin guya onu saxlaması barədə məlumatları təkzib edib.
«Mən həbs olunmamışam və həbs olunmayacağam. Çünki Azərbaycan dövlətçiliyinə və ümummilli lider Heydər Əliyevin işinə sadiqəm», - deyə Hüseynov Turan Agentliyinə müsahibəsində bildirib və həbsi barədə KİV-dəki məlumatları «uydurma» adlandırıb.
“Mehriban Əliyevanın prezidentliyə namizədliyi qüvvəsində qalırmı?” sualına cavab olaraq Hüseynov deyib ki, «hər şeyin öz vaxtı var».
«Vaxtı gələndə partiyamız öz namizədinin verilməsi barədə qərar qəbul edəcək», - deyə Hüseynov qeyd edib.
Öz növbəsində DADP-nin sədr müavini Rauf Quliyev izah edib ki, prezidentliyə namizədlik barədə partiya rəsmi qərar qəbul etməyib. «15-ə qədər yerli təşkilatdan təklif gəlib ki, prezidentliyə namizədimiz Mehriban xanım Əliyeva olsun. İyunun 15-də bu təşəbbüs müzakirə edilib və KİV-də elan olunub.
Partiyanın namizədi barədə rəsmi qərar seçki kampaniyasına rəsmi start veriləndən sonra qəbul ediləcək. Nizamnaməyə uyğun olaraq, qərarı ya qurultay, ya da Siyasi Şuranın iclası verəcək», - deyə Quliyev bildirib.
Partiyanın namizədi M.Əliyeva yox, başqası ola bilərmi?” sualına Quliyev belə cavab verib: «Hadisələri qabaqlamaq istəməzdim. Qərar kollektiv şəkildə qəbul ediləcək. Biz hakimiyyətyönlü partiyayıq. Namizədimiz İlham Əliyev də ola bilər».
Qeyd edək ki, 25 iylda gün boyu yerli KİV Hüseynovun guya M.Əliyevanın namizədliyini irəli sürərək “özbaşınalıq” etdiyinə görə saxlanması barədə məlumat yaymışdı.
Xatırladaq ki, bu təşəbbüs hakim Yeni Azərbaycan Partiyası tərəfindən çox pis qarşılanıb və «hakimiyyət elitasının parçalanmasına yönəlmiş fitnəkarlıq» kimi qiymətləndirilib.
DADP bu ittihamları rədd edir. –06B-
-
- Cəmiyyət
- 25 İyul 2013 18:11
-
- İqtisadiyyat
- 26 İyul 2013 12:12
Siyasət
-
Azərbaycan Xalq Cəbhəsi Partiyasının üzvü Elnur Həsənova 3 il həbs cəzası kəsilib. Avqustun 2-də Bakı Ağır Cinayətlər Məhkəməsində belə hökm verilib.
-
Tezliklə Rusiyada təkcə YouTube deyil, həm də Google, Android və İOS sistemləri bloklanacaq. Bunu bu gün Dövlət Dumasının deputatı Aleksey Didenko deyib.
-
Beynəlxalq Olimpiada Komitəsi (BOK) Parisdə keçirilən Yay Olimpiya Oyunlarının açılış mərasimində Fransanın aparıcı "France2" telekanalının müxbirinin ifadələrə görə Azərbaycandan üzr istəyib.
-
1 saylı Bakı İstintaq Təcridxanasının sanitar bölməsində saxlanılan I qrup əlil, ictimai fəal Famil Xəlilovun vəziyyəti son dərəcə ağırdır. Onun bədənində çoxsaylı yaralar var, özü də antisanitar vəziyyətdədir, - həyat yoldaşı Kiçikxanım Xəlilova bildirib.
Rəy yaz