![Məmməd İbrahimin işi üzrə prosesdə](https://turan.az/resized/media/2016/main/021900147416-750-500-resize.webp)
Məmməd İbrahimin işi üzrə prosesdə
Fevralın 19-da Nərimanov rayon məhkəməsində Turqay Hüseynovun sədrlii ilə Xalq Cəbhəsi Partiyası sədrinin müşaviri Məmməd İbrahimin işi üzrə növbəti iclas keçirilib.
Məhkəmə müdafiə tərəfin altı vəsatətindən yalnız birini təmin edib, zərərçəkmiş Mikayıl Quliyevə başından xəsarət yetirildiyi haqqında rəy vermiş eksperti dəvət etməyə razılaşıb.
M.İbrahim ötən il sentyabrın 30-da xuliqanlıq (221.1) ittihamı ilə həbs edilib (şikayəti keçmiş AXCP üzvü Mikayıl Quliyev verib). Sonradan bu maddə daha ağır ittihama - 221.2.2-ci maddəyə tövsif edilib ki, həmin maddə ilə İbrahimi 5 ilədək həbs cəzası gözləyir.
Fevralın 1-də ittiham tərəfin iki şahidi Vüqar Abbasov və Elçin Şükürov ifadə verib. Onlar hadisə yerində olublar və ilk olaraq Mikayıl Quliyevin İbrahimə hücum etdiyi barədə ifadə veriblər.
Fevralın 12-də prosesdə daha bir şahid – Aqşin Haqverdiyev təsdiq edib ki, İbrahim Quliyevi döyməyib və təhqir etməyib.
Bugünki iclasda ittiham tərəfin sonuncu şahidi Anar İsmayılov çıxış edəcəkdi, amma o, yenə prosesə gəlməyib.
Vəkil Yalçın İmanov onun istintaqa verdiyi ifadəni elan etməyi təklif edib, belə ki, İsmayılov da digər şahidlər kimi İbrahimin Quliyevi döymədiyini bildirib.
Prokuror buna qarşı çıxıb, hakim vəkilin vəsatətini təmin etməyib.
Daha sonra müdafiə tərəfi əlavə şahidlərin – iki hal şahidinin, iki polisin və tibbi rəy vermiş ekspert Sirac Dadaşovun məhkəməyə çağırılması haqqında beş vəsatət qaldırıb. Hakim yalnız sonuncu vəsatəti təmin edib.
Vəkil İmanovun Turan agentliyinə verdiyi məlumata görə, Dadaşov Mikayıl Quliyevin ekspertizasını özü həyata keçirməli idi, amma onu başqa həkimə - nevropatoloqa göndərib. Sonuncunun rəyi əsasında Dadaşov kəllə-beyin travması haqqında rəy verib. Lakin iş materiallarında nevropatoloqun verdiyi sənəd yoxdur, buna görə eksperti dinləmək zərurəti var.
Bundan başqa, işdə Quliyevin hadisə zamanı geyindiyi köynəyin ekspertizası haqqında iki protokol var (29 sentyabr və 10 oktyabr tarixli). Birinci protokolda köynəyin cırılmış hissəsinin ölçüsü ikincidə olduğundan xeyli çox göstərilib.
“Belə çıxır ki, sonradan köynəyi tikiblər... Baxmayaraq ki, şahidlər Quliyevin İbrahimə hücum etdiyi zaman onları ayırmağa çalışdıqlarını, Quliyevin köynəyinin bir qədər cırıldığını təsdiq ediblər”, deyə vəkil bildirib.
Növbəti iclas fevralın 29-na təyin edilib.
Xatırladaq ki, iş üzrə keçən Mikayıl Quliyev AXCP cərgələrini ötən ilin yayında Razi Nurullayevin qrupu ilə birlikdə tərk edib. -06B-
-
- İqtisadiyyat
- 19 Fevral 2016 15:23
-
- Cəmiyyət
- 19 Fevral 2016 17:02
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz