M.Ə.Rəsulzadənin vəfatından 66 il ötür

Bakı/06.03.21/ Turan: Bu gün, martın 6-sı Azərbaycan Xalq Cümhuriyyətinin (1918-1920) banilərindən Məhəmməd Əmin Rəsulzadənin vəfatı günüdür.

Onun 1955-ci il martın 6-da Ankarada dünyasını dəyişməsindən 66 il ötür.

Məhəmməd Əmin Rəsulzadə 1884-cü il yanvarın 31-də Bakının Novxanı kəndində anadan olub, məşhur pedaqoq Sultan Məcid Qənizadənin rəhbəri olduğu ikinci "Rus-müsəlman" məktəbini bitirb.

1902-ci ildə, hələ 17 yaşında ikən “Müsəlman gənclik təşkilatı”nı yaradıb. Bu, XX əsrdə Azərbaycanda rus müstəmləkə üsul-idarəsinə qarşı gizli mübarizə aparan ilk siyasi təşkilat olub.

1918-ci il mayın 26-da Azərbaycan Milli Şürası yaranıb və M.Ə.Rəsulzadə Milli Şüranın sədri seçilib.

1918-ci il mayın 28-də  Milli Şura İstiqlal Bəyannaməsini qəbul edib, Fətəli Xan Xoyskinin başçılığı ilə Azərbaycan Xalq Cümhuriyyəti hökuməti təşkil olunub.

Bununla da  Azərbaycan xalqı nəinki türk xalqları arasında, həmçinin bütün Şərqdə ilk dəfə olaraq respublika qurub.

Amma  Cümhuriyyətin ömrü cəmi 23 ay çəkib. 1920-ci ilin 28 aprelində Azərbaycan bolşevik Rusiyası tərəfindən işğal edilib.

Bununla da onun mühacirət həyatı başlayıb, XX əsrin 20-ci illərinin əvvəlndə M.Ə.Rəsulzadə Tütkiyəyə mühacirət edib.

M.Ə. Rəsulzadə 1955-ci il martın 6-da Ankarada vəfat edib.-05-