Siyasi partiyaların Məşvərət Məclisi (MM) noyabrın 3-nə nəzərdə tutduğu aksiyaya hazırlaşır. Bu haqda Turan-a qurumun həmtəsisçilərindən biri, Açıq Cəmiyyət Partiyasının (ACP) sədri Sülhəddin Əkbərdən məlum olub.
Onun sözlərinə görə, aksiyanın keçirilməsilə bağlı oktyabrın 15-də Bakı şəhər icra hakimiyyətinə müraciət olunsa da, hələlik cavab verilməyib. O, aksiyanın sərbəst toplaşma azadlığının, ədalətli seçkilər keçirilməsinin, mülkiyyət toxunulmazlığının təmin olunması şüarları altında keçirilməsi nəzərdə tutulduğunu deyib. Aksiyanın paytaxtın mərkəzi hissəsində keçirilməsi nəzərə tutulur.
Paytaxt hakimiyyəti aksiyaya icazə vermədiyi halda qurum bir tərəfdən Bakı şəhər icra hakimiyyətini məhkəməyə verməyi, digər tərəfdən isə sərbəst toplaşma azadlığını pozduğuna görə icra hakimiyyətinin binası önündə piket keçirməyi nəzərdə tutur.
S.Əkbər son günlər partiyanın ofisi ətrafında ölkə mətbuatında gedən xəbərlərə də aydınlıq gətirib. Partiyanın lideri Rəsul Quliyevə görə partiyanın ofisi yerləşən binanın sahiblərinə və ya partiya rəhbərliyinə təzyiq olması haqda xəbərləri S.Əkbər təkzib edib. “Biz hazırda ofisdəyik, çalışırıq və hər-hansı bir təzyiq və s. yoxdur”, - deyə ACP sədri bildirib.
MM-i 2012-ci il sentyabrın 5-də təsis edilib. Aydınlar (sədr Qulamhüseyn Əlibəyli), Açıq Cəmiyyət (sədr Sülhəddin Əkbər), Azadlıq (sədr Əhməd Oruc), Azad Azərbaycan (sədr Həsən Həsənov), Böyük Azərbaycan (Elşad Musayev), Dünyəvi Bozqurd (Şakir Ulubəy), İslam Demokrat (Tahir Abbaslı), Klassik Xalq Cəbhəsi (sədr Mirmahmud Mirəlioğlu), Liberal (Əvəz Temirxan), Liberal Demokrat (sədr Fuad Əliyev), Milli İstiqlal (sədr Yusif Bağırzadə), Yaşıllar (Mais Güləliyev) partiyaları qurumun üzvləridir. -05B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz