Mətbuat-Monitorinq

   20.08.14

   Rəsmi qəzetlər dövlət başçısı İlham Əliyevin Lerik rayonunun Noda-Şüngədilan, Xanəgah yolunun çəkilməsi üçün 7 milyon manat vəsait ayırması haqda sərəncamının mətnini ilk səhifədə yerləşdiriblər.

   “Azərbaycan” qəzeti həbsdə oaln hüquq müdafiəçiləri Leyla Yunusun və başqalarının hüquqlarını müdafiə edən komitənin fəaliyyətini “vətən xainlərini müdafiə edən komitə və həm də yeni qrantlar əldə etmək istəyənlər” kimi böhtana məruz qoyur.

   “Azadlıq” qəzeti  əsassız yerə həbs olunanların dərhal azad edilmələrilə bağlı Avropa İttifaq və BMT-nin tələbini önə çəkərək bunu “Əliyevə xəbərdarlıq” adlandırır.

     Həbsdə olan Leyla Yunusla görüşən vəkilləri onun saxlanma şəraitinin çox ağır olduğunu bildiriblər.

   Həbsdə olan hüquq müdafiəçisi Rsuı Cəfərova dünyanın bir çox ölkələrindən kitab, gül, təbrik açıqcaları, suvenir hədiyyələr gəlib.

   PA-nın rəhbəri Ramiz Mehdiyevin səhhətində ciddi problem yarandığını iddia edən qəzet onun Avropa ölkələrinin birində müalicə aldığını bildirir.

    Çexiyanın “The Prague Post” qəzeti dövlət başçısı İlham Əliyevi Çexiya cəmiyyətinə “Tvitter hücumları və hüquq müdafiəçilərinə basqılarla tanınan prezidentin ölkəsinin Avropa Şurasına sədrlik etməsi” paradoksu ilə tanıdıb.

   Qəzet ekspertlərə istinadən ötən 7 ayda ixracın 4,4%,  idxalın isə 21% azladığını nəzərə çatdırır.

       “Ekspress” Gürcüstan deputatlarından birinə istinadən rəsmi Tbilisinin Azərbaycana viza tətbiq edəcəyini bildirməsini, Gürcüstanın Azərbaycan səfirliyinin isə bu xəbəri birmənalı təkzib etdiyini nəzərə çatdırır. 

      Sumqayıtda ikiaylıq körpənin itirilməsini araşdıran polis bir çox səbəblərə görə uşağın anasından şübhələnir.

      Həbsdə olan hüquq müdafiəçisi Leyla Yunusun müdafiəsinin təşkilinə əsəbi reaksiya verən hökumət tərəfdarları buna “insan haqlarının müdafiəsinin alverə çevrilməsi, L.Yunusun maliyyə kanallarının ələ keçirilməsi” kimi sərsəm şərhlər veriblər.

        “Exo”  Azərbaycanın daşınmaz əmlak bazarında qeyri-yaşayış əmlakına olan tələbin təklifi üstələməsini diqqətə çatdırır.

         “Novoe Vremya” vətəndaş cəmiyyəti insitutlarının tanınan simalarının həbslərilə bağlı Qərbin rəsmi Bakıya təzyiqlərinin artmasına Bakının əsəbi reaksiyasını “Bakı anlamır -Avropa bizdən nə istəyir?” ironiyası ilə ifadə edir.

    Ölkədə statistik rəqəmlərlə gerçəkilik arasında həmişə kəskin fərqin olduğunu yazan qəzet bunu “kağız üzərində hər şey hamardır” istehzası ilə qarşılayır.

      “Bizim yol”  ipoteka kreditləşməsinin vətəndaş üçün sərfəli heç bir tərəfi qalmadığı üçün bunu “hökumətin xalqın ipoteka arzusunu dəfn etməsi” sayır.

     Ekspertlər ipoteka ilə alınan mənzilin öz qiymətindən 2 dəfə baha başa gəldiyini bəyan ediblər.

      “Yeni Müsavat”  İsrail prezidentinin “erməni soyqırımı”nı tanımağa hazırlaşmasını ilk plana çıxararaq bunu “Türkiyə və Azərbaycan əleyhinə məkrli plan” kimi dəyərləndirir.

    Bilgəh qəsəbəsində icra nümayəndəsinin gəlmə, yoxsa yerli şəxs olması haqda Sabunçu rayon icra başçısı ilə deputat Qalib Salah arasındakı fərqli mövqeyi qəzet “deputat-icra başçısı” qarşıdurması adlandırır.

      Qəzetin iddiasına görə, Rusiyanın Qərbə “sanksiya” tətbiq etməsinin Azərbaycanda xiyar, pomidor, göyərtini iki dəfə bahalaşdırmasını “ölkə bazarını qarışdırmaq” sayır.