Bakı/10.05.19/Turan: Azərbaycan Mətbuat Şurası (MŞ) Dövlət Təhlükəsizliyi Xidmətinə (DTX) müraciət edərək "Monitor" jurnalının redaktoru Elmar Hüseynovun qətlinin araşdırılmasının sürətləndirilməsini xahiş edib.
MŞ-nin məlumatında deyilir ki, mayın 3-də mətbuat azadlığına dair konfransda bir sıra KİV nümayəndələri, ekspertlər və jurnalist birlikləriin nümayəndələri "belə fikrə gəliblər ki, 2005-ci il martın 2-də Elmar Hüseynovun qətlə yetirilməsinin araşdırılması sürətləndirilməlidir və bu cinayəti törədənlər tezliklə tapılıb cəzalandırılmalıdır".
Qeyd edək ki, bu illər ərzində MŞ bu cinayətlə bağlı susub, ən yaxşı halda isə Baş Prokurorluğun məlumatını təsdiqləyib ki, qətlin üstü çoxdan açılıb, ancaq cinayətkarlar xaricdədir. Əslən Azərbaycandan olan Gürcüstan vətəndaşları Tahir Xubanov və Teymuraz Əliyevin adları çəkilib.
MŞ-nin müraciəti nədənsə baş prokurora yox, DTX rəisi Mədət Quliyevə ünvanlanıb.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz