Məzahir Pənahov ATƏT DTİHB missiyasını seçkilərin "şəffaflığının" təmin ediləcəyinə inandırıb
Məzahir Pənahov ATƏT DTİHB missiyasını seçkilərin "şəffaflığının" təmin ediləcəyinə inandırıb
Bakı/28.12.23/Turan: Dekabrın 28-də Mərkəzi Seçki Komissiyasının (MSK) sədri Məzahir Pənahov İogan Mörfinin (Eoghan Murphy) başçılıq etdiyi ATƏT-in Demokratik Təsisatlar və İnsan Hüquqları Bürosunun (DTİHB) seçki müşahidə missiyası ilə görüşüb.
Missiya üzvləri qarşıdan gələn seçkilərə hazırlıqların gedişi, MSK sədrindən həyata keçirilən və planlaşdırılan layihələr ilə maraqlanıblar.
Öz növbəsində, Pənahov seçki hazırlıqlarının "ardıcıl və sistemli şəkildə" davam etdiyini bildirib.
O, həmçinin qeyd edib ki, indiyədək 5-i siyasi partiyalar tərəfindən, 10-u öz təşəbbüsü ilə irəli sürülən, ümumilikdə 15 nəfərin namizədliyi irəli sürülüb.
Pənahov seçki müşahidə missiyasının üzvlərini istədikləri vaxt həm imza vərəqələrinin yoxlanılması, həm də seçkilərlə bağlı hər hansı digər prosedurlarda yaxından iştiraka dəvət edib. O, seçkilərin bütün mərhələlərinin "şəffaf" olacağına inandırıb.
72 yaşlı Məzahir Pənahov 2000-ci ildən Azərbaycan MSK-nın sədridir. O, hər dəfə parlamentdə əksəriyyət təşkil edən Yeni Azərbaycan Partiyasından üzv təyin edilib.
Monitorinq missiyasının fəaliyyətinə başlaması rəsmi olaraq dekabrın 29-da keçiriləcək mətbuat konfransında elan olunacaq.
Növbədənkənar prezident seçkiləri fevralın 7-nə təyin edilib.
Müxalif Müsavat Partiyası ədalətli siyasi rəqabət üçün şərait olmadığını bəyan edərək, seçkilərdə iştirakdan imtina edib. Xalq Cəbhəsi Partiyası eyni səbəbdən seçkiləri boykot edib. 06В
-
- Cəmiyyət
- 28 Dekabr 2023 15:28
-
- İqtisadiyyat
- 28 Dekabr 2023 16:33
Siyasət
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
-
Ədliyyə Nazirliyinin Baş Tibb İdarəsi Ələsgər Məmmədlidən aprelin 26-da götürülən təhlilin nəticələri haqqında məlumat verib.
Rəy yaz