Milli Məclisin payız sessiyası açılıb

Bu gün parlamentin payız sessiyası açılıb. Spiker Oqtay Əsədovun sözlərinə görə, yaz sessiyası dövründə 132 qanun qəbul edilib. İlin sonunadək 2013-cü maliyyə ilinin dövlət büdcəsi də daxil olmaqla, çoxsaylı mühüm qanunverici aktlar qəbul edilməlidir.

Bugünkü iclasın gündəliyinə qanunvericilik planının təsdiqi, parlamentlərarası işçi qruplarının rəhbərlərinin seçkisi, Azərbaycanın dövlət müstəqilliyinin 20 illiyinə həsr olunmuş xatirə medalının təsis edilməsi ilə bağlı məsələlər daxildir.

Bundan əlavə, “Korrupsiya ilə əlaqədar cinayət məsuliyyəti haqqında” Beynəlxalq Konvensiyanın 5,6,10 və 12-ci maddələrinə düzəlişləri geri götürmək, “Dövlət xidməti haqqında”, “Əmək pensiyaları haqqında”, “Milli Arxiv Fondu haqqında” qanunlara dəyişiklik etmək planlaşdırılır. Prokurorluqda, Ədliyyə Nazirliyində, Gömrük, Miqrasiya Xidmətində xidmət haqqında qanunlara dəyişiklik ediləcək. Həmçinin İnzibati Xətalar Məcəlləsinə dəyişiklik olunacaq. --17D—