Milli Şura Kəmalə Bənənyarlının həbsini pisləyib

Milli Şura AXCP üzvü Kəmalə Bənanyarlıya qarşı edilmiş  fiziki təzyiqlə bağlı  bəyanat yayıb.

Turana  daxil olan bəyanatda bildirilib ki, Azərbaycan  müstəqilliyini bərpa etdiyi dövrdən sonrakı 23 il ərzində heç bir qadına 30 sutka inzibatı həbs cəzası tətbiq edilməyib.

Kəmalə Bənənyarlıya münasibətdə ilk dəfə  bu ən sərt inzibatı cəza növü seçilib.

 Bəyanatda xatırlanıb ki, Kəmalə Bənənyarlı Nəsimi rayon məhkəməsində vəkillə təmin olunması əngəllənmiş və məqsədli şəkildə onunla ünsiyyət imkanının qarşısı alınıb.

“Milli Şura olaraq biz bu əməli YAP hakimiyyətinin əxlaq pasportu kimi dəyərləndiririk və bu mənəviyyatsızlığı hazırkı iqtidarın çirkin əməli kimi qiymətləndiririk. “deyə bəyanatda deyilir.

Kəmalə Bənənyarlının hüquqi müdafiəsi ilə bağlı bütün zəruri addımlar atılacaq və bu ləyaqətsiz əməl öz hüquqi qiymətini alacağı da əminliklə vurğulanıb

Azərbaycan Konstitusiyasına görə xalqa qarşı ən ağır cinayət sayılan dövlət hakimiyyətinin mənimsənilməsində iştirak etmiş, rəsmən dələduzluq cinayəti törətməkdə suçlanan və  vurduğu bir milyon dollar dəyərində maddi ziyanı ödəməyən Gülər Əhmədovanın qadın və ana olması faktından geninə-boluna istifadə etməklə onu azadlığa buraxan hakimiyyətin bu "humanistliyi", nədənsə, başqa bir qadına və anaya şamil olunmadı. Nəticədə, öz cinayət ortağına münasibətdə insanpərvərlik nümayiş etdirən YAP iqtidarı Kəmalə Bənənyarlıya onun insan və qadın ləyaqətini aşağılayan işgəncələr verməklə Azərbaycan qadınına və anasıına olan gerçək münasibətini ortaya qoyub.-0-