![Milli Şura yeni həbsləri pisləyib](https://turan.az/resized/750/500/resize/media/2015/main/021600106717.jpg)
Milli Şura yeni həbsləri pisləyib
Demokratik Qüvvələrin Milli Şurası (DQMŞ) jurnalist Xədicə İsmayıla qarşı yeni ittihamları və siyasi fəalların uydurma ittihamlarla həbsini qətiyyətlə pisləyib.
X.İsmayılova mənimsəmə, qanunsuz sahibkarlıq və vəzifə səlahiyyətindən sui-istifadədə ittiham olunub.
“Milli Şura bu həbsi azad sözün boğulması və qisasçılıq kimi qiymətləndirir, jurnalistə qarşı irəli sürülən bu ittihamları absurd və cəfəngiyat hesab edir”, - bəyanatda deyilir.
Həmçinin Milli Şura Mingəçevirdə AXCP fəalı Qadir Xudabaxşıyevin qanunsuz silah saxlamaq, siyasi mühacir Tural Sadıqlının qardaşı Elgiz Sadıqlının isə narkotik maddə saxlamaq ittihamı ilə həbs olunmasını pisləyir. Bu həbs İlham Əliyevin Almaniya səfəri zamanı Berlində siyasi mühacirlərin keçirdikləri etiraz aksiyasına hakimiyyətin adekvat cavabıdır.
Milli Şura diqqəti ona yönəldir ki, “bu həbslər və repressiyalar hakimiyyətin bir qrup müxalifət lideri ilə görüşü” ərəfəsində baş verir. “Odur ki, hakimiyyətin dialoq çağırışları imitasiyadan, cəmiyyəti aldatmaq cəhdindən başqa bir şey deyil”, - bəyanatda qeyd olunur. -16D-
-
- İqtisadiyyat
- 16 Fevral 2015 11:50
-
- Siyasət
- 16 Fevral 2015 12:41
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz