Demokratik Qüvvələrin Milli Şurasının prezidentliyə vahid namizədi Cəmil Həsənli jurnalist Pərviz Həşimlinin həbsini pisləyib. O, Milli Təhlükəsizlik Nazirliyinin bu hərəkətini söz azadlığına təzyiq kimi qiymətləndirib.
“Biz hər dəfə hakimiyyətə sərf etməyən jurnalistlərin narkotik maddə və silah saxlamaq və ya xuliqanlıq kimi uydurma ittihamlarla həbs edilməsinin şahidi oluruq. Məqsəd rejimi tənqid edənlərin neytrallaşdırılması və jurnalistlərin qorxudulmasıdır”, - C.Həsənli bildirib.
Prezidentliyə namizəd hakimiyyəti jurnalistlərə təzyiqlərə və söz azadlığının məhdudlaşdırılmasına son qoymağa çağırıb.
Sentyabrın 17-də MTN əməkdaşları tərəfindən saxlanmış Pərviz Həşimliyə qarşı CM-in 206.3.2 (qaçaqmalçılıq) və 228.2.1. (qanunsuz silahın əldə olunması, ötürülməsi, satışı, saxlanması, daşınması və gəzdirilməsi) maddələri ilə cinayət işi qaldırılıb.
P.Həşimli çərşənbə axşamı Biləcəri qəsəbəsindəki evinin yaxınlığında saxlanılıb. Evdə axtarış zamanı guya silah və hərbi sursat tapılıb.
P.Həşimli Siyasi və Mülki Hüquqların Müdafiəsi Mərkəzinin sədri, “Bizim Yol” qəzetinin əməkdaşıdır. —0—
Siyasət
-
Sentyabrın 20-də Bakı Ağır Cinayətlər Məhkəməsində insan haqları fəalı Bəxtiyar Hacıyevin işi üzrə növbəti məhkəmə prosesi səndələrə baxışla davam etdirlib. Bu zaman dövlət ittihamçısı ilə Hacıyev arasında mübahisə olub.
-
ABŞ səfirliyi “Əsrin müqaviləsi”nin imzalanmasının 30-cu ildönümü ilə əlaqədar qəbul təşkil edib.
-
Moskva və Bütün Rusiyanın Patriarxı Kirill Qafqaz Müsəlmanları İdarəsinin sədri şeyxülislam Allahşükür Paşazadəyə Kiyev, Moskva və bütün Rusiya mitropoliti müqəddəs Aleksiy ordenini təqdim edib.
-
Azərbaycan və Türkiyə Hərbi Hava Qüvvələrinin komandanları Namiq İslamzadə və Ziya Camal Kadıoğlunun görüşündə iki ölkə arasında hərbi əməkdaşlığın genişləndirilməsi məsələləri müzakirə olunub.
Rəy yaz