Nəsimi Rayon Məhkəməsi N!DA” vətəndaş hərəkatının üzvü Üzeyir Məmmədlinin həbs müddətinin uzadılması barədə qərar çıxarıb. Vəkil Fəxrəddin Mehdiyevin Turan-a verdiyi məlumata görə, Ü.Məmmədlinin barəsində həbs-qətimkan tədbirinin müddəti noyabr ayının 30-na qədər uzadılıb.
“N!DA” vətəndaş hərəkatının 7 üzvü həbsdədir: Məmməd Əzizov, Bəxtiyar Quliyev, Şahin Novruzlu, Rəşadət Axundov, Üzeyir Məmmədli, Rəşad Həsənov və Zaur Qurbanlı. Onlar CM-in 234.1 (qanunsuz olaraq narkotik vasitələri əldə etmə, saxlama və ya satma) və 228.1-ci (qanunsuz olaraq silah, partlayıcı maddələr və qurğular əldə etmə, saxlama, daşıma və gəzdirmə) maddələri ilə ittiham olunurlar.
Sentyabrın 12-də onlara və “Azad gənclik” hərəkatının üzvü İlkin Rüstəmzadəyə qarşı 220.1 maddə (kütləvi iğtişaşların təşkili) ilə yeni ittiham irəli sürülüb.
Onları 12 ilədək azadlıqdan məhrumolunma cəzası gözləyir. Amnesty International onları “vicdan məhbusu” kimi tanıyır.16D-
Siyasət
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
-
Yanvarın 13-də Bakı Ağır Cinayətlər Məhkəməsi ictimai fəal Bəxtiyar Hacıyevi 10 il azadlıqdan məhrumetmə cəzasına məhkum edib. Məhkəmə həmçinin onun mənzilinin və bank hesablarındakı pulunun müsadirə edilməsi, həmçinin onun azad edildikdən sonra 1 il ərzində təlim-tərbiyə işləri ilə məşğul olmasının qadağan edilməsi haqqında qərar verib.
-
Azərbaycan prezidenti İlham Əliyev bu gün BƏƏ-yə işgüzar səfərə gəlib, bu barədə dövlət başçısının saytı məlumat yayıb.
-
Siyasi Menecment İnstitutunun həbsdə olan direktoru Azər Qasımlı bildirib ki, onun həbsinin “siyasi sifariş əsasında həyata keçirildiyini” hər kəs bilir və anlayır.
Rəy yaz