Minnesotada 26 fevral Azərbaycan Günü elan edilib

Bakı/13.02.21/Turan: Amerikanın Minnesota ştatında 26 fevral Azərbaycan Günü elan edilib. 

Minnesota ştatının qubernatoru Tim Volz müvafiq bəyanatı imzalayıb, bu barədə Azərbaycanın Diasporla İş üzrə Dövlət Komitəsindən bildiriblər. 

Bəyanatın təşəbbüskarı Minnesota Azərbaycan Assosiasiyasının rəhbəri Günel Rallis olub. 

Sənəddə qeyd edilir ki, Minnesotada yaşayan azərbaycanlılar öz ana dillərini, zəngin milli-mədəni dəyərlərini, ənənələrini qoruyub-saxlamaqla, həmçinin təbliğ etməklə yerli mədəniyyətə töhfə verirlər. 

26 fevralın Azərbaycan Günü elan edilməsi Xocalı soyqırımının 29-cu ildönümünə həsr olunub. 

2016-cı ildə Minnesotanın Nümayəndələr Palatası Xocalı soyqırımının 24-cü ildönümü haqqında qətnamə qəbul edib. 

1992-ci il fevfalın 25-dən 26-na keçən gecə Ermənistan silahlı birləşmələri Sovet ordusunun 366-cı alayının dəstəyi ilə Dağlıq Qarabağda azərbaycanlıların məskunlaşdığı Xocalı şəhərini ələ keçirib. Şəhərin işğalı dinc sakinlərin kütləvi qətlləri ilə müşayiət olunub. Ümumilikdə 613 nəfər öldürülüb. -06D-