Mirqafar Seyidov
Bakı/14.11.20/Turan: Mirqafar Seyidov Bakı Şəhər Baş Polis İdarəsinin rəisi vəzifəsindən azad edilib. Müvafiq əmri DİN rəhbəri Vilayət Eyvazov imzalayıb.
V.Eyvazovun digər əmri ilə M.Seyidov DİN Nəqliyyatda Baş Polis İdarəsinin rəisi təyin edilib.
Hələlik paytaxt polis idarəsinin rəisi postunda təyinat yoxdur. Bu barədə DİN orqanlarındakı məlumatlı mənbə bildirib.
Qeyd edək ki, M.Seyidov pis reputasiyaya malik yüksək rütbəli polis rəislərindən biri kimi tanınır. Onun adı dəfələrlə siyasi repressiya və hakimiyyətin tənqidçilərinə qarşı işgəncələrlə bağlı qalmaqallar kontekstində çəkilib.
2014-cü ildən Bakı polis rəisi olub. Bundan öncə isə DİN Baş Mütəşəkkil Cinayətkarlığa Qarşı Mübarizə İdarəsinə rəhbərlik edib.
2017-ci ilin sentyabrında sanksiyaların tətbiqi məqsədilə "Qlobal Maqnitski Aktı"na daxil edilməsi üçün beynəlxalq hüquq- müdafiə təşkilatları tərəfindən ABŞ hökumətinə göndərilən siyahıda M.Seyidov müxtəlif ölkələrin nümayəndələri ilə yanaşı 15 nəfərdən biri olub. –06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz