![Qubad İbadoğlu](https://turan.az/resized/media/2023/main/102300068422-750-500-resize.webp)
Qubad İbadoğlu
MKX-də tibbi müayinənin nəticələri Qubad İbadoğluna verilmir
Bakı/23.10.23/Turan: Həbsdə olan Azərbaycan Demokratiya və Rifah Partiyasının sədri Qubad İbadoğlunun MRT və KT müayinəsinin nəticələrinin ona və yaxınlarına açıqlanmadığı bildirilir.
Siyasətçinin qardaşı Qalib Toğrul Turan-a bildirib ki, Q.İbadoğlu oktyabrın 13-də Mərkəzi Klinik Xəstəxanada sözügedən müayinələrdən keçirilib: "Həmin gün biz nəticələrin ailəsinə təqdim edilməsi üçün Ədliyyə Nazirliyinin Tibb Baş İdarəsinə rəsmi müraciət etmişik. O vaxtdan bizə hətta şifahi belə cavab verilmir".
O qeyd edib ki, qardaşının onurğasındakı problem daha da dərinləşib və problemin hansı ciddilikdə olduğu yalnız MRT diski veriləndən sonra qiymətləndirilə bilər: "Amma diskləri bizə vermirlər. Ona görə tam məlumatsızıq, Bakı İstintaq Təcridxanasındakı Tibbi-sanitar hissənin rəisi Rəşad Hüseynli isə bizə "osteoxondrozdur" deyir".
Q.Toğrulun sözlərinə görə, siyasətçinin şəkərlə bağlı problemi də daha da kəskinləşib: "Tibb Baş İdarəsinin endokrinoloqu tabletka əvəzinə insulin təyin etsə də, heç nə dəyişməyib, toxluq şəkəri ən yaxşı halda 300-ə yaxın olur.
Şəkər uzun müddət yüksək olduğundan qardaşımın daxili orqanlarında, xüsusilə, gözlərində və böyrəklərində neqativ proseslərin getməsi ehtimalı bizi qorxudur".
O bildirib ki, Tibb Baş İdarəsinin endokrinoloqu hər iki orqanın müayinə olunması ilə bağlı tibbi göstəriş versə də, tələb olunan prosedurlar ya aparılmır, ya da başdansovdu edilir. Ürəkdəki problemlərin real vəziyyətindən də məlumatsızıq".
Siyasətçinin qardaşı vurğulayıb ki, Penitensiar Xidmət Qızıl Xaçın Azərbaycan Nümayəndəliyinin həkiminin Q.İbadoğlunu müayinə etməsinə icazə vermir.
Məsələ ilə bağlı Penitensiar Xidmətdən və Ədliyyə Nazirliyinin Baş Tibb İdarəsindən münasibət öyrənmək mümkün olmayıb. 0
-
- Maliyyə
- 23 Oktyabr 2023 13:29
-
- İqtisadiyyat
- 23 Oktyabr 2023 13:49
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz